Parlament senatynyń tóraǵasy Qasym-Jomart Toqaev eldegi órship turǵan menıngıt derti týraly pikir bildirdi, dep habarlaıdy Qamshy.kz aqparat agenttigi.

Bul týraly ol óziniń tvıtter paraqshasynda jazǵan.

"Menıngıt ınfeksıasymen kúres múlde syn kótermeıdi. Quzyrly mınıstrlik keshirilmesteı jaıbasarlyq tanytyp, naqty qadamǵa bara almaı otyr"- dep jazdy Toqaev.

Tóraǵanyń aıtýynsha, atalmysh másele boıynsha Parlament senatynyń depýtattary úkimetke saýal joldaýdy josparlap otyr.

Esterińizge salsaq, QR densaýlyq saqtaý mınıstri Eljan Birtanov 2018 jyly atalǵan dert boıynsha 58 jaǵdaı tirkelgenin habarlaǵan bolatyn. 12 adam kóz jumǵan. Qaıtys bolǵandardyń qatarynda bes bala bolsa, syrtqattardyń tiziminde 18 jastan 14 jasqa deıingi jasóspirimder bar.

Sonymen qatar, mınıstr "menıngıt boıynsha vaksınalaý júrgizý tıimsiz ári shyǵyny kóp" dep pikir bildirgen bolatyn.