Qazaqstanda 1 shildeden bastap bazalyq zeınetaqy tolyqtaı beriletin bolady dep habarlaıdy Qamshy.kz aqparat agenttigi.

Bul týraly QR eńbek jáne halyqty áleýmettik qorǵaý vıse-mınıstri Svetlana Jaqypova baıandady.

Vıse-mınıstrdiń sózinshe, qazir elimizde bazalyq zeınataqy alatyn 2 mıllıon 148 myń zeınetker bar.

"Eger zeınetkerdiń eńbek ótili 10 jyl nemese odan kem, ne múlde bolmasa oǵan eń tómengi kúnkóris deńgeıiniń 54 prosenti, ıaǵnı 15 myń 274 teńge tólenedi. Iaǵnı 10 jylǵa deıin – bul kepildendirilgen kólem. Qazaqstanda bazalyq zeınetaqyny bul somadan tómen eshkim almaıdy. Al eger eńbek ótili 10 jyldan assa, onda taǵy 2 paıyz ústeme qosylady. Máselen, 11 jyl eńbek ótili barlar tómengi kúnkóris deńgeıiniń 56 prosentin alatyn bolady. Eger eńbek ótili 28 jyldy qurasa, kúnkóris deńgeıiniń 90 paıyzyna jýyqtaıdy", — dedi Jaqypova OKQ-de ótken baspasóz máslıhatynda.

Svetlanada Jaqypova, sonymen qatar, shildeden bastap 100 paıyz bazalyq zeınetaqy kólemin 2 mıllıon zeınetkerdiń qanshasy alatynyn aıtty.

"Búginde 2 mıllıon 148 myń adamnyń 44,5 prosenti eń tómengi kúnkóris deńgeıiniń 100 paıyzyn alatyn bolady. Absolútti mánde aıtsaq, 940 myńǵa tarta zeınetkerge 28 284 teńge tólenedi. Taǵy 43-44%-y, ıaǵnı 931 myńy  74 paıyzdan 90 paıyzǵa deıin alady.Tek 120 myń zeınetker ǵana kúnkóris deńgeıiniń 54 prosentin alady. Sebebi bul azamattardyń eńbek ótili 10 jyldan kem", — dep naqtylady mınıstr orynbasary.