Almaty qalasy qoǵamdyq densaýlyq saqtaý departamentiniń mamandary qaıtys bolǵan qala turǵyndarynyń menıngokok ınfeksıasynyń "A" túrimen aýyrǵanyn anyqtady, dep habarlaıdy Qamshy.kz aqparat agenttigi. 

«A» menıngıttiń eń agressıvti túri. Inkýbasıalyq kezeń 2-10 saǵat aralyǵynda júredi» deıdi Almaty qalalyq qoǵamdyq densaýlyq saqtaý departamentiniń basshysy Aızat Moldaǵasymova.

QR densaýlyq saqtaý mınıstri Eljan Birtanov 2018 jyly atalǵan dert boıynsha 58 jaǵdaı tirkelgenin habarlaǵan bolatyn. 12 adam kóz jumǵan. Qaıtys bolǵandardyń qatarynda bes bala bolsa, syrtqattardyń tiziminde 18 jastan 14 jasqa deıingi jasóspirimder bar.

Sonymen qatar, mınıstr "menıngıt boıynsha vaksınalaý júrgizý tıimsiz ári shyǵyny kóp" dep pikir bildirgen bolatyn

"Osyǵan deıin elimizde menıngokok ınfeksıasymen ólim deńgeıi jyl saıyn ózgerip otyrdy, eń tómen jaǵdaı – 2016 jyly 7 adam qaıtys bolǵan, al eń joǵarǵy kórsetkish – 2015 jyly 25 adamnyń ólimi tirkelgen.

Qazaqstan Respýblıkasynda menıngokok ınfeksıasymen syrqattanýdyń ortasha deńgeıi – 100 myń turǵynǵa shaqqanda 2,1. Qazir Qazaqstandaǵy syrqattaný deńgeıi ár 100 myń turǵyndarǵa 0,3-ti quraıdy.

Almaty qalasynda menıngokok ınfeksıasynyń ortasha deńgeıi 4,0 bolsa, qazir Almaty qalasynda 100 myń turǵynǵa shaqqanda 1,7-ni quraıdy», - dedi QR Densaýlyq saqtaý mınıstri.

Dúnıejúzilik densaýlyq saqtaý uıymynyń epıdemıalardy basqarý jónindegi nusqaýyna  sáıkes, 2018 jyly epıdemıalyq deńgeıdiń kórsetkishi aptasyna 100 myń turǵynǵa shaqqanda 3 jaǵdaıdy jáne 100 myń turǵynǵa shaqqanda 10 jaǵdaı eken.

Menıngokok ınfeksıasy - ınfeksıalyq juqpaly aýrý, ol túrli klınıkalyq belgilermen bakterıalar arqyly paıda bolady - taratýshyda belgileri bilinbeıtin bolýy da múmkin nemese nazofarıngıtten (muryn-jutqynshaq qabynýy), menıngıtten (mı qabyǵynyń qabynýy) bolýy múmkin. Infeksıanyń kózi - aýrý adamdar jáne deni saý taratýshylar.