Qazgıdromet aldaǵy úsh kúnge arnalǵan aýa raıy boljamyn jarıalady.

Elimizdiń basym bóliginde aýa temperatýrasy qaıta tómendeıdi. Al eldiń batysynda dabyldy eskertý jarıalanǵan.

Aldaǵy úsh kúnde respýblıkanyń soltústik jartysynda keı jerlerge ótkinshi jańbyr jaýyp, kún kúrkireıdi, jel kúsheıip, aýa temperatýrasy tómendeıdi. Sonymen qatar, Qazaqstannyń ońtústiginde de ótkinshi jańbyr jaýýy múmkin. Aptap ystyqtyń beti qaıtyp, kúndiz temperatýra +30+39 gradýstan +25+30 gradýsqa deıin tómendeıdi.  

Qazgıdromet  qatty jelge baılanysty Batys Qazaqstan oblysynda dabyldy eskertý jarıalady. Búgin eldiń batysynda naızaǵaı oınap, burshaq túsýi múmkin, batystan soǵatyn jeldiń jyldamdyǵy 15-20 m/s-ke deıin barady. 

Oral qalasynda búgin kúndiz naızaǵaı oınap, burshaq jaýýy yqtımal. Batystan soǵatyn jeldiń ekpini 18 m/s deıin kúsheıedi dep boljanýda.   

Al erteń BQO-nyń keı jerlerinde jeldiń kúshi 15-20 m/s deıin jetedi, Oralda ekpini 18 m/s deıin kúsheımek.

Daýyldy eskertýdiń yqtımaldylyǵy – 90-95 paıyz.