Poezıam, meni saǵynyp sen keldiń be,

Kóz aldymda buldyradyń qıalyma endiń de.

Jarq etesiń oıymda bir zýlaısyń-aý, tynbaısyń,

Elemesem, ótersiń-aý, óleń qaıtip týmaısyń.

O, proza sen de meni túsime izdep keldiń be.

Túnderde uzaq shyraq bolyp, tań atqanda sóndiń be.

Qarańǵyda týǵyzaıyn prozany aqshamnan

Oıym-shyraq. Tózim-túnim. Túıin-tańym baq shomǵan.

Poezıam da, prozam da bir ózińsiń qazaǵym

Tartý etseń jumaqty da, ot bop janǵan tozaǵyn

Qabyl alam talǵamaıyn, taldamaıyn syıyńdy

Ómirimdi usynamyn, aldamaıyn juıymdy.

Prozammen shymshyp alsam, etińdi bir aýyrtsam,

Prozammen jazarmyn men, aýyrdy dep daýryqsań.

Poezıammen jeti qatty aspanyńdy kórsetsem,

Poezıamnan quldılaısyń jeti tómen kórden sen.

Jamandyqty ańsamaımyn, jaqsylyq meniń turaǵym

Aramdyqty jolatpaımyn, adaldyq meniń bulaǵym.

Adaldyq anam, jaqsylyq ákem, adamzat meniń otbasym

... Poezıasyz

                    Prozasyz Aıaý júrek soqpasyn,

Otbasymdy jyrlamasam toqtasyn da, tot bassyn.

Aıaýjan Nurmolda