Bul týraly búgin QR Parlamenti Senatynyń otyrysynan keıin jýrnalıserdiń suraqtaryna jaýap bere otyryp, Qazaqstan ulttyq bankiniń tóraǵasy Danıar Aqyshev aıtyp berdi.
Ol qazirgi kezde EksımBanktiń, Qazaq Banki men Astana bankiniń ótimdiliktiń jetkilikti deńgeıin qamtamasyz etýde tyǵyryqqa tirelip otyrǵandyǵyn jáne úsh bankte de klıentter aldyndaǵy mindettemelerin ýaqtyly oryndaý shekteýli ekendigin aıtyp ótti.
— Atalǵan bankterdiń klıentter aldyndaǵy óz mindettemelerin oryndaýy úshin jetkilikti aqsha qarajatyn túrlendirmegen nesıe portfelderiniń nashar sapasy olardyń lısenzıalaryn toqtata turýǵa jáne qaıtaryp alýǵa baılanysty oryn alǵan jaǵdaıdyń basty sebebi bolyp tabylady. Ádette, problemaly bankter jaqsy kredıtter bermeıdi. Olardyń nesıe portfelderiniń ósýinen kapıtal qory kúsheımeıdi. Olardyń táýekelderdi basqarý jáne korporatıvtik basqarý standarttaryn joǵary dep te aıta almaımyz, al nesıe portfeliniń sapasy barynsha tómen kúıinde qalyp otyr, - dep túsindirdi Aqyshev
- Biz EksımBanktiń, Qazaq Banki men Astana bankiniń qarjylyq jaǵdaıyna monıtorıń júrgizip, bankterdiń menedjmentimen jáne aksıonerlerimen jaǵdaıdy turaqtandyrýǵa baǵyttalǵan sharalardy ázirleý boıynsha kelissózder júrgizip jatyrmyz, - dedi Aqyshev.
Sóz sońynda ol Qazaqstan ulttyq bankiniń depozıtterdi qabyldaýǵa lısenzıasy bar ekinshi deńgeıdegi bankterdiń depozıtterge mindetti kepildik berý júıesiniń qatysýshylary bolyp tabylatynyn eske saldy.
— Jeke tulǵalardyń salymdary, aqshasy men tólem kartochkalary jáne bank shottary 10 mln teńgegedeıingi somada depozıtterge kepildik berý júıesimen qorǵalǵan, - dedi Aqyshev.
