Aqparat jáne komýnıkasıa mınıstri dáýren Abaev «Ashyq áńgime» baǵdarlamasynda Qazaqstandaǵy sınofobıa jaıly óz pikirin aıtty.

Mınıstrdiń sózinshe, bul faktorlar Qytaı jaıynda taralǵan dálelsiz aqparattardyń kesirinen bolyp jatyr.

«Birinshiden, «qytaıfobıa» baǵzy zamannan qalyptasqan úrdis. Qytaıǵa qatysty kez-kelgen «jaǵymsyz» aqparat qazaqstandyqtardyń jelisinde birden paıda bolady», - dedi mınıstr.

Ekinshi faktor retinde Abaev qazaqstandyqtardyń qytaı tilin bilmeıtinin atady.

«Ekinshi faktor – elimizde qytaı tilin biletinder, bilgenniń ózinde joǵary deńgeıde biletinder az. Sondyqtan shyn máninde jaǵdaıdyń qandaı ekeni bizge beımálim», - dep túsindirdi Abaev.

Mınıstrdiń oıynsha, úshinshi faktor – Qytaıdyń ózi týraly aqparattyq joqtyǵy.

«Qytaıda bolǵandar men bolmaǵandardyń túsinigi eki túrli. Sol sebepti qazaqstandyqtardyń kóbi stereotıppen ómir súredi. Qytaılardyń Qazaqstanǵa aǵylyp kelýi – mıf», - dedi aqparat mınıstri.

Buǵan qosa Dáýren Abaev Qytaı azamattaryna arnalǵan vızadan bas tartý máselesin de sóz etti. Mınıstrdiń aıtýynsha, vızasyz rejimdi alyp tastaý máselesi kóterilgen emes. Qytaı men Úndistan azamattary Qazaqstanǵa vızasyz 72 saǵatqa kire alady.