Sońǵy bes jylda jetimder úıindegi balalardyń sany 40 paıyzǵa qysqarǵan (10 myńnan 6 myńǵa deıin), dep habarlaıdy Qamshy.kz aqparat agenttigi.  

4445 bala týǵan áke-sheshesine oralǵan. Osy oń ózgeristerge oraı Qazaqstanda 50 balalar úıi  jumysyn toqtatty.

QR BǴM málimetine sáıkes Qazaqstanda bes mıllıon bala tirkelgen. Onyń ishinde 26 myńy – jetim jáne ata-anasynyń qamqorynsyz qalǵan balalar.

Jetim balalardyń jalpy sanynan 20 375 (78 %) bala qazaqstandyq azamattardyń otbasynda qamqorlyqta, tek 5631 (21 %) bala jetim balalarǵa arnalǵan mekemelerde tárbıelenip jatyr.

Mundaı mekemelerdiń qysqarý sebebi – ata-analarynyń qamqorlyǵynsyz qalyp, ınternattarǵa jiberilgen balalar sanynyń azaıýy bolyp otyr (2015 jyl – 2598, 2016 – 1854, 2017 – 1166).

Arnaıy qyzmet pen ınternat mekemelerinde jumys jasaıtyn asyrap alýshy ata-analar mektebiniń arqasynda qamqorlyqsyz qalǵan balalardyń jetimder úıine jiberilýi azaıyp keledi.

Balanyń bıologıalyq ata-anasymen qalýy úıdegi problemalardy erte anyqtaý arqyly, memlekettik organdardyń jaǵdaıy tómen otbasylarǵa jan-jaqty kómek kórsetýimen qamtamasyz etiledi.

2017 jyldyń mamyr aıynan bastap QR Bilim jáne ǵylym mınıstrligi jaǵdaıy tómen balalardy qoldaý ortalyqtarynyń jumysynyń jańa erejelerin bekitti. Endi olardyń qyzmet kórsetý aıasy keńeıip, az qamtylǵan otbasylardan shyqqan balalarǵa ǵana emes, sondaı-aq qatygezdikten zardap shekken balalardyń qolaısyz jaǵdaılaryna da kómektesýge baǵyttalǵan.