Abaı atyndaǵy opera jáne balet teatrynda tuńǵysh ret ınovasıalyq kórme ótti, dep jazady Qamshy.kz aqparat agenttigi. 

Kórmege Samsung Electronics kompanıasynyń QLED zamanaýı teledıdarynyń aldyńǵy qatarly múmkindikteri keńinen qoldanylǵan Almatynyń fotosýretteri qoıyldy.

Sonymen qatar Almatylyqtardyń súıikti aleıasyna aınalǵan, jańartylǵan Panfılov kóshesiniń boıynda qala turǵyndary men qonaqtar úshin shahardyń joǵary sapaly sýretterin kórýge bolatyn aspan astyndaǵy erekshe kórme ashyldy.

İs-shara Almaty qalasy ákimdiginiń qoldaýymen Samsung Electronics kompanıasynyń QLED teledıdarlar brendimen birigip uıymdastyryldy. Kompanıa "Almatydaǵy bir kún, ómir súrýge arnalǵan shahar" atty kitap-foto álbomyn usyndy.

Jańa basylymda ońtústik astananyń biregeı fotosýretterin tamashalap, qalanyń tynys-tirshiligin, tanys kóshelerin jáne azamattardyń kúndelikti ómirin kórýge bolady.

Kórme Ambient Mode jańa fırmalyq rejımimen jasalǵan QLED teledıdary ekspozısıanyń negizi obektisi bolýymen erekshelendi. Bul rejım teledıdarǵa qabyrǵanyń, jıhazdyń túsine enip, basqa da paıdaly aqparattardy usyna alatyn múmkindik beredi.

Kórmege kelýshiler zamanaýı ónerdi jańasha tásilmen, ásirese QLED teledıdary arqyly fotosýretterdegi árbir detaldy anyq ári 100 paıyzdyq tús kólemimen tamashalaıtyn múmkindikke ıe boldy. 

Kórmeniń qurmetti meımany bolǵan qala ákimi Baýyrjan Baıbek Samsung Elecrtonics kompanıasyna alǵys aıtty.

"Bul ınovasıalyq kórmeniń Almaty qalasynyń damýy men mádenıeti úshin mańyzy joǵary. Ózderińiz biletindeı Almaty – myń boıaýly qala. Elbasy Táýelsizdiktiń alǵashqy jyldarynda elimiz úshin eń mańyzdy sheshimderdi osy qalada qabyldaǵan.  Fotoalbomdy birinshi ret kórgende qatty qýandym. Qalany dál osy qalpynda kóre bilý úshin, ony sheksiz súıý kerek",- dedi shahar basshysy.

Samsung Elecrtonics kompanıasynyń prezıdenti Ben Iýn qazaqstandyqtar úshin ınovasıalyq múmkindikterdi engizýge qýana kelisetinin aıtty.

Bir jyl buryn kompanıa Astanadaǵy EXPO-2017 kórmesinde QLED jelisiniń ónimderin el nazaryna usynsa, búgin Almatyda úlken mereke uıymdastyryp jatyr. Atalmysh brend ońtústik astanada 1996 jyldan beri jumys istep keledi.

"Biz megapolıstiń jyl saıyn ósip kele jatqanyna, áleýmettik jaýapkershilik pen ınovasıalyq tásil syndy ózgeristerge úlesin qosqany úshin qýanyshtymyz. Bul úrdister qalada ómir súrý sapasyn jaqsartýǵa kómektesedi.  QLED televızıalyq brendi - aınaladaǵy shynaıy kórinisterdi jarqyn tústerde jáne kúndelikti ómirde kórinbeıtin eń kishkentaı bólshekterdi kórsetýdi qalaıtynymyzdyń aıqyn dáleli", - dedi Iýn.

İs-shara barysynda Samsung jáne Almaty qalasynyń ákimdigi densaýlyq saqtaý, bilim berý men "jasyl" tehnologıalar, "aqyldy qala" jobasyn damytý salasyndaǵy yntymaqtastyq týraly memorandýmǵa qol qoıdy.