Qazaqstandyq rejıser Qanat Beısekeev óziniń Iranda ustalǵany jaıly aıtyp berdi. Bul týraly rejıser Telegram-daǵy paraqshasynda jazǵan.

Túsirilim tobymen birge taıaý shyǵys eline barǵan Qanat Beısekeevti qaıtpaq bolǵanda aeroport qyzmetkerleri dosy ekeýin ustap, sómkesin tekserý barysynda kvadrokopterdi baıqaǵan.

«Nursultan ekeýmizdi polısıa bólimshesine apardy. Ádiletti chekıng jasaýǵa jibergenbiz, sonyń arqasynda ustalǵan joq», - dedi Qanat Beısekeev.

Rejıser men dosyn polıseıler úsh saǵat boıy tergegen eken. Aqyry qandaı sheshim qabyldaryn bilmegen polısıa ekeýin bosatyp jiberedi. Tek Beısekeevti budan ótken qıyndyq kútip turdy.

«Biz geıtke qaraı júıtkidik. Al ol jerde bizdi polısıadan da laýazymdy qyzmetkerler kútip turdy – Ulttyq qaýipsizdik qyzmetkerleri. Qaıtadan bólimsheden biraq shyqtyq, sómkelerimizdi tekserdi. İshinde Macbook Pro, aıpad jáne túsirilimge qajetti jabdyqtar boldy. Olar bárin tárkiledi», - dep jazdy rejıser.

Buǵan qosa olardyń qolynda Iranda jumys isteıtin qazaqtyń amanat haty bolǵan eken. Konvert ishinde ne bar ekenin ekeýi bilmegen. Qaýipsizdik qyzmetkerleri ony da ashyp qarady, konvert ishinen júz dollarlyq kýpúralar shyqty.  

«Irandyq chekıser aqshany qaıtaryp berdi. Al túsirilimge qajetti zattardy alyp qaldy», - deıdi Beısekeev.

Qazirgi ýaqytta rejıser Almatyda. Jaǵdaıy da qalypty.

Qanat Beısekeevtiń ustalǵany jaıly aqparat 22 maýsymda shyqqan. PR-mamany Álisher Elikbaev rejıserdiń myń dollar kólemindegi jabdyqtarynyń tárkilengenin habarlaǵan bolatyn.