Aqmola oblysy Qorǵaljyn aýdanyna qarasty aýyl okrýginiń  eks-ákiminiń mektep oqýshysyn soqqyǵa jyqqany rastaldy jáne  eks-ákimge sot tarapynan aıyppul salyndy.  Bul jaıynda Tengrinews jazady.

— Qorǵaljyn aýdandyq soty Janat Omarovty Qazaqstan Respýblıkasynyń Ákimshilik quqyq buzýshylyq týraly kodeksiniń 73-1 babynyń 1 tarmaǵynda kózdelgen ákimshilik quqyq buzýshylyqty jasaǵany úshin aıypty dep tanydy. Sot sheshimimen Omarov zardap shekken Dıas Muqannyń densaýlyǵyna qasaqana zıan keltirgeni úshin kináli dep tanyldy, - dedi Aqmola oblystyq sottyń baspasóz hatshysy Kúlásh Domalaqova.

Sot eks-ákimge 35 myń kóleminde aıyppul saldy.

— Bul jazalaý sharasy quqyq buzýshynyń qylmys jasaǵanǵa deıingi jáne odan keıingi áreketin jáne onyń jeke basyn sıpattaıtyn qasıetterin eskere otyryp, aýyrlatatyn mán-jaılardyń joqtyǵyn eskerip taǵaıyndaldy, - dedei Aqmola oblystyq sotynyń baspasóz qyzmetinde.

Oqıǵa Qorǵaljyn aýdany A.Tóleýbaev atyndaǵy orta mektebiniń janyndaǵy mektep ınternatynda bolǵan. Jábirlenýshiniń aıtýynsha, aýyl ákimi ulyn aıaýsyz soqqyǵa jyqqan. 

–Men, Bekjanova Aıgúl Qapanqyzy 03.08.1981 j.t. jábir kórýshi anamyn. Ulym Muqan Dıas Tólegenuly 11.01.2004 j.t. Qorǵaljyn aýdany A.Tóleýbaev atyndaǵy orta mektebiniń 8-synyp oqýshysy. Ulym, Muqan Dıas Qorǵaljyn aýdany Qorǵaljyn aýyldyq okrýgi ákimi Omarov Janat Jumataıuly (11.09.1982 j.t.) tarapynan soqqyǵa jyǵyldy, - dep jazǵan edi Dıas Muqannyń anasy.