Sheshenstan basshysy Ramzan Qadyrov «Izvestıa» basylymyna bergen suhbatynda jemqor sheneýniktiń eń aýyr jazasyn atady. Onyń aıtýynsha, para alǵan ne bergen sheneýniktiń múlkin túgel tárkileý kerek.

«Jemqorlyqpen ustalǵan basshylar, ákimderdiń isi tek sotpen bitedi. Birneshe ýaqyt túrmege otyryp shyǵady da, baıaǵy baı qýatty ómirin jalǵastyrady. Sol sebepti bizdiń strategıa basqasha: qatelesken adamdy kórsek, onyń aqshasyn tartyp alyp áleýmettik nysandar, joldar salamyz, muqtaj adamdarǵa kómektesemiz. Eger adam urlyq jasasa, odan bárin tartyp alý kerek. Meniń oıym – osy», - dedi Qadyrov.

Sonymen qatar Sheshenstan basshysynyń oıynsha, bári basshynyń qolynda. «Eger basshy adamdardyń urlyqqa barýyn qalamasa, mindetti túrde basqa ádisti oılap tabady. Áıteýir adamdarynyń urlaýyna jol bermeıdi», - dedi.