Birikken Ulttar Uıymynyń IýNISEF Balalar qory men Quqyqtyq medıa-sentr 18 maýsym halyqaralyq ákeler kúnine oraı buqaralyq aqparat quraldary arasynda baıqaý jarıalaǵan bolatyn. Osy aptada Astanadaǵy uıym ofısinde baıqaý jeńimpazdaryn marapattaý rásimi ótti. IýNISEF-tiń Qazaqstandaǵy Ókildik basshysy Iýrıı Oksamıtnyı «Qazaq tilindegi eń úzdik maqala», «Orys tilindegi eń úzdik maqala», «Áleýmettik jelidegi úzdik post» atalymdary boıynsha erekshe jarıalym avtorlaryn marapattady.

Halyqaralyq jýrnalıs Sharafat Jylqybaevanyń «Qamshy» portalynda jarıalanǵan «Taýqymetti jeńgen áke» dep atalatyn maqalasy qazaq tildi jýrnalıser arasyndaǵy eń úzdik materıal dep tanyldy. Al «Zakon.k» jýrnalısi Dılára Azanbekova orys tilindegi úzdik maqala avtory, Ásel Tursynǵazına men NovaCity.kz portalynyń tilshisi áleýmettik jelidegi úzdik jarıalym atalymy boıynsha  jeńimpaz atandy.

 «Biz úshin ákelerdiń bala tárbıesindegi jaýapkershiligi taqyrybyna nazar aýdarý mańyzdy. Sábı dúnıege kelgen sátten bastap ákeniń oǵan degen qamqorlyǵy bala mıynyń damýyna, ary qaraı ósip-jetilýine yqpal etedi. Balanyń oqýǵa ynta-jigeriniń artýyna da áke qamqorlyǵynyń áseri bar» dedi, Iýrıı Oksamıtnyı marapattaý rásiminde. 

 «Qamshy» portalyndaǵy qaısar áke týraly maqalany myna siltemeden oqyńyz.