Baqyt degendi qalaı túsinesiz? Bálkim siz úshin baqyt aqshada bolar, bolmasa joǵarǵy laýazymdy baqyt dep sanarsyz, álde otbasy, bala-shaǵańyz úlken baqyt shyǵar. Qazaqstan Respýblıkasynyń prezıdenti Nursultan Nazarbaev bul suraqqa jaýap berdi. Ol - memleket basshysy, eń joǵarǵy laýazym ıesi, al sondaı tulǵa baqyt degen sózdi qalaı túsinedi deısiz ǵoı?! Aqordanyń Instagram-daǵy paraqshasynda Elbasymen suhbattyń qysqasha nusqasy jarıalandy.
«Baqyttyń merzimi qysqa. Baqytty keıbireýleri máńgilik dep oılaıdy. Baqyt degen bir sát qana. Nemerelerim men balalarymnyń náp-názik qoldarymen moınymnan qushqany – úlken baqyt. Jaqynda ǵana oqyǵanym bar edi. Londondaǵy ýnıversıtetterdiń birinde 15 myń adamnan baqyt degen sózdiń maǵynasyn suraǵan eken. Birinshi orynda «balalar, otbasy» degen jaýap tur», - dedi Elbasy suhbaty barysynda.
Pikir qaldyrý