Ońtústik Koreıadaǵy munaı óndirýshi zaýyt AQSH sanksıalary áserinen ırandyq munaıdan bas tartyp otyr. Bul sheshim 2018 jyldyń qarashasynda kúshine enedi. Qujat kúshine engen boıda Ońtústik Koreıa munaıdy endigi Qazaqstannan ımporttaıtyn bolady. Bul týraly Reuters agenttigi habarlady.

Ońtústik Koreıa 2018 jyly munaıdyń CPC Blend sortyn 2017 jylǵa qaraǵanda tórt esege kóp ımporttaǵan. Endi Azıanyń negizgi qoldanýshysy ırandyq munaıdy qazaqstandyq munaımen almastyrmaqshy. 

"Álemdik munaıdyń úsh paıyzyn paıdalanatyn Ońtústik Koreıa munaıdyń CPC Blend sortyn satyp alady. Sebebi AQSH-tyń Tegeranǵa qatysty sanksıalarynyń áserinen Irannan ımporttaýdan bas tartty", - delingen agenttiktiń habarlamasynda.

Ońtústik Koreıaǵa CPC Blend munaıyn jetkizý mólsheri maksımaldy deńgeıge jetti, esesine ırandyq ımport azaıdy. Agenttiktiń deregine sáıkes, shildedegi kórsetkish 284 000 barelge jetken eken.

2018 jyldyń qańtary men shildesi aralyǵynda Ońtústik Koreıa 4 mln tonna CPC Blend satyp aldy. Nátıjesinde 2018 jyly Kaspıı qubyr jelisi birlestiginiń qýaty táýlik ishinde 20 paıyzǵa, ıaǵnı 67 mln tonnaǵa nemese 1,4 mln barelge artty. Sonyń arqasynda eksport kólemi artyp, baǵasy tómendeýi tıis. Azıalyq sarapshylardyń sózinshe, CPC Blend sortynyń sapasy ırandyq shıki munaıdan áldeqaıda joǵary.