Qazaqstan prezıdenti Nursultan Nazarbaev «Jetisý» saıabaǵynyń ashylýy kezinde óziniń ákesi jaıly sóz qozǵady. Elbasynyń áńgimesinen úzindi vıdeony Aqordanyń Instagram-daǵy paraqshasy jarıalady, dep jazady Qamshy.kz aqparat agenttigi.
«Men – baqta ósken adammyn. Ákem baǵban bolatyn. Úıimizdiń aınalasynda 25 sotyq jer bolatyn, ol kezde úlken aýla edi. Ol aýlada alma aǵashtary jaıqalyp ósip turatyn. Ákem baqshadaǵy aǵashtyń túbinen-aq qaı aǵash ekenin biletin, ony maǵan úıretetin: munda alma, myna jaqta almurt. Naǵyz Mıchýrın bolatyn.
Men sol baqta óstim, alma aǵashtaryn kútetinmin, sý quıyp, ósken soń terip turatynmyn. Kóktemde Almatyǵa aparyp, satatynbyz. Bizdiń otbasy solaı kún kóretin», - dedi prezıdent.
Budan buryn Aqorda Elbasynyń balalyq shaǵyn eske alǵan sátin jarıalaǵan.
