Kópten beri Reseıdiń Máskeýinde uıaly telefony joq, áleýmettik jelide otyrmaıtyn jaıbaraqat tynysh ómir súrip jatqan Snoýdenmen baılanysqa túsip, suhbat alý ońaıǵa soqpady. Alaıda birneshe aıǵa sozylǵan kelissóz barysynda suhbat alyndy deıdi sheteldik BAQ.

Snoýdenniń aıtýynsha, ol Máskeýde shynynda da qarapaıym adamnyń kúnin keship júr. Páter jaldap ómir súredi, metroǵa otyryp mejeli jerine barady, Lındsımen (súıiktisi-avt.) qoltyqtasyp kınoǵa barady degendeı. Ǵalamtorda baıandama jasaý arqyly aqsha tabatyn ol óz ómirine dán rıza eken.

Eń qyzyǵy, Reseıge alǵash kelgende Snoýdenge jan-jaqty shabýyl jasalynypty. Ashyǵyn aıtqanda, reseılik arnaıy qyzmet óz jaǵyna tartqysy kelip áreket jasaǵan. Snoýden bolsa aıtqanǵa ılanbaı, birge jumys jasaýdan bas tartqan eken.

Suhbattyń birshama bóligi Reseıdegi jaǵdaıǵa arnalypty. Snoýden áńgime barysynda reseılik bılikti, atap aıtqanda Pýtınniń júrgizip otyrǵan saıasatyn synap tastady. «Pýtındi ómirde tanymasam da, onyń saıasatyn jaqtyrmaımyn, qoldamaımyn» dep syr aqtarypty Snoýden.

Snoýdenniń aıtýynsha, reseılikter ashyq aýyz halyq emes, olar bıliktiń qandaı ekenin jaqsy biledi. Bılikke qarsy shyǵyp úndeıin dese qoldary qysqa. Reseıdiń basty bas aýrýy bılik qana emes, jemqorlyq dendegen qoǵam deıdi ol.

Aýdarǵan: Jazıra Baıdaly

Derekkóz: www.tagesanzeiger.ch