Atajurtjastar.com redaksıasyna Jumadan Jarqynbekuly degen azamat xabarlasyp, óziniń muń muqtajyn aıtyp, suqbat beripti. Qamshy aqparat agenttigi Qytaıdaǵy qazaqtar máselesine alańdaı otyryp, qandastarymyzdyń ótinishin oqyrman nazaryna usynyp otyr.

«Men Jarqynbek Jumadan Qazaqstan azamatymyn, 2014 jyldyń naýryzynda tarıxı Otanyma oralyp, 2016 jyly qyrkúıekte Qazaqstan azamaty atandym. Meniń ákem Qasymbaı Qarqynbek Qytaı azamaty, Qytaı pasportyndaǵy vızasynyń merzimi bitýine baılanysty qaıta vıza ashtyrǵaly 2017 jyly mamyrda Qytaıǵa qaıtqan. Sodan 2017 jyldyń maýsymynda ákemdi Shyńjań Býratala qalalyq saqshylary tutqyndaǵanyn estidik, al ákem bolsa zıaly qaýym ókili, zeınetker, tutqyndaýdan buryn eshqandaı zań-erejelerge qaıshylyq jasap, qylmys ótkizbegen edi, sodan beri 1 jyldan astam aýqyt ótti. Ákemniń tek saıası úırený ortalyǵy degen kanslagerde otyrǵanyn ǵana bilemiz, odan basqa eshqandaı senimdi habar ala almaı otyrmyz». 

«Men Qazaqstan azamaty Nuraqaı Tursyngúl，2017 jyldyń qańtarynda ata jurtyma oraldym.
Qazaqta «Jan qysylsa jaqynyn tabady» degen ataly sóz bar, qurmetti Muxtar Abraruly Qul-Muxammed myrza! Sizdiń kishi shesheńiz Qalıqan Jatqanbaıqyzy men meniń joldasym Jarqynbektiń sheshesi Orynqan Jatqanbaıqyzy ekeýi bir týǵan ápkeli-sińili kisiler, budan buryn sizben baılanysqa shyqpaqshy bolyp telefon nómirińizdi izdestirip taba almadyq. Ulym Astanaǵa baryp ta sizben baılanys jasaı almady，sondyqtan osy vıdeo úndeý joldaý arqyly sizben baılanysqa shyǵarmyz degen úmittemin. Eń sońynda meniń sizden ótinerim, jazyqsyz abaqtyǵa qamalǵan joldasym Jarqynbektiń Qytaı túrmesinen bosatylyp shyǵyp, ata jurty Qazaqstanǵa erterek oralyp, otbasy, bala-shaǵasymen qaýyshýyna kómektesýińizdi suraımyn».