15 shildede ÁCH-2018 fınaldyq kezdesýi Máskeýdiń "Lýjnıkı" stadıonynda Fransıa men Horvatıa quramalary arasynda ótti, dep habarlaıdy Vesti.kz.

Oıynnyń 18 mınýtynda Horvatıa quramasynyń shabýylshysy Marıo Mandjýkıch óz qaqpasyn avtogol saldy. Alaıda onyń áriptesi Ivan Perıshıch 28-shi mınýtta esepti teńestirdi. Fransýz surmergeni Antýan Grızmann 38-shi mınýtta esepti eseledi. Pol Pogba 59-shy mınýtta esepti 3:1-ge jetkizse, alty mınýttan soń Kıllıan Mbappe alystan Horvattar qaqpasynan sańylaý taba bildi. Marıo Mandjýkıch oıynnyń 69-shy mınýtynda esepti bir upaıǵa qysqartty.

Eske salaıyq, 14 shildede fýtboldan Álem chempıonatynyń qola júldesi úshin talasta Belgıa quramasy ulybrıtanıalyqtardan basym tústi. Reseıdiń Sankt-Peterbýrg qalasyndaǵy "Kresovskıı" stadıonynda ótken kezdesý 2:0 esebimen belgıalyqtardyń paıdasyna sheshildi. Oıyndy tamashalýǵa 64 406 jankúıer jınalǵan. 

Oıynnyń tórtinshi mınýtynda belgıalyqtardyń jartylaı qorǵaýshysy Tomas Mene Naser Shadlıdiń pasyn nátıjeli etip, esep ashty. 82-shi mınýtta belgıalyqtardyń kapıtany Eden Azar esepti eseledi. Nátıjeli pastyń avtory De Bróıne.

Belgıa quramasy osy álem birinshiliginde 16 gol salyp, eń kóp gol salǵan komanda atandy. Sondaı-aq osy qurama tuńǵysh ret álem birinshiliginiń qola medalin jeńip otyr.