Kórkem gımnastshy Sabına Áshirbaeva men aýyratlet Vladımır Sedov dıpng synamalary oń nátıje kórsetkeni úshin sporttan shettetildi, - dep habarlaıdy Qamshy.kz aqparat agenttigi Vesti.kz saıtynyń deregin negizge alyp.
2017 jyly sáýir men maýsym aralyǵynda Áshirbaeva dopıng synamalaryn tapsyrǵannan keıin, onyń qan quramynan fýrosemıd, gıdrohlortıazıd jáne hlortıazıd shyqqan. Ol úshin sportshy eki jylǵa sporttan shettetildi 2018 jyl 7 maýsym - 2020 jyl 7 maýsym.
19 jastaǵy Áshirbaeva sporttyq mansabynda úsh ret Azıa chempıony atandy, Azıada-2014 jarysynda qola medal, basqa Azıa chempıonattarynda kúmis jáne alty qola medaldy ıelengen. 2016 jyly gımnastshy qyz Olımpıada oıyndarynda baǵyn synap kórdi, al kelesi jyly Álem kýbogynda ekinshi oryn aldy. 2018 jyly naýryzda Áshirbaeva sporttyq mansabyn aıaqtap, Shymkentte Anna Alábevanyń mekstebinde bapker qyzmetine taǵaıyndaldy.
Vladımır Sedov Olımpıada-2008 jarysynda dopıng-synamasynyń oń tátıje kórsetkeni úshin jazalandy. 2016 jyly maýsymda onyń qan quramynan stanazalol tabylǵan edi. Oıyndarda Sedov tórtinshi oryn alǵan edi, alaıda Halyqaralyq Olımpıada komıteti (HOK) onyń nátıjesn joqqa shyǵardy. Ony 2024 jyldyń 1 tamyzyna deıin, ıaǵnı 8 jylǵa sporttan shettedi.
Sedov álem birinshiliginde medaldyń barlyq túrin aldy: altyn - 2009 jyly, kúmis - 2014 jyly jáne qola - 2011 jyly. Ol eki ret Azıa chepıony atandy - 2009 jáne 2011 jyldary.
Sedov osymen ekinshi márte dopıng úshin jazalanyp otyr. Ol buryndary 2006 jylmen 2008 aralyǵynda ruqsat etilmegen preparatty qoldanǵany úshin sporttan shettetilgen edi.
