Qapshaǵaı qalasynyń turǵyny Nadejda Dına Smaılova atty advokatqa hat jazyp, 14 jastaǵy Dıanaǵa kómek berýin surady. Dıanany esirtkige táýeldi týǵan anasy aıaýsyz uryp-soǵyp, tipti pedofılderge satqan dep jazady Qamshy.kz aqparat agenttigi.
Qamshy.kz aqparat agenttiginiń tilshisi advokatpen habarlasty. Onyń aıtýy boıynsha, Dıananyń anasy Nadejdaǵa aryzdy qaıtaryp, aqsha tólegen kezde ǵana Dıanany qamqorlyǵyna beretinin aıtqan. Dıananyń denesinde 80-ge jýyq tyrtyq bar jáne oǵan stomatolog pen hırýrg, psıholog dárigerdiń kómegi qajet. Sonymen birge polısıa qyzmetkerleri Dıananyń anasyn ata-analyq quqyqtan shektemeı otyr. Dına Smaılova "Dıananyń anasy túrmege toǵytylyp, ata-ana quqyǵynan aıyrylýy kerek", deıdi.
2004 jyly dúnıege kelgen Dıana esirkige táýeldi áıeldiń ekinshi qyzy. Ol ómirge kelgende aqyl-esi men fızıkalyq damýynda aqaý bolǵan. Dıana 1,5 jasynda ınternatqa túsken sebebi anasyn esirtki satýmen aınalysqany úshin 5 jyl túrmede otyrypty. Túrmeden shyqqan boıda esirtkige táýeldi áıel Dıanany ınternattan, al úlken qyzyn kúıeýiniń týystarynyń úıinen alyp ketken. Áıel óziniń jataqhanadaǵy bólmesin qaıtaryp alýdy kózdep qyzdaryn óz qolyna alǵan. Birneshe aıdan keıin, 2011 jyly elimizde týǵan ájesi óziniń nemeresin taıaqpen aıaýsyz soqqyǵa jyqqan degen aqparat taraǵan bolatyn. Almaty qalasyndaǵy №1 aýrýhanasynyń bas dárigeriniń kómekshisi Nıkolaı Dáchenko sol kezde qyzǵa operasıa jasaǵanyn málimdegen. Dıananyń bas súıegine zaqym kelip, ıyq súıegi synǵan, ishinen qan ketken. Dıanany operasıa daıyndap oǵan gıps salady, gematomany (uıyǵan qandy) alyp tastaıdy.
2018 jyldyń 3-shi tamynda Dına Smaılovaǵa osy oqıǵanyń jalǵasy retinde Qapshaǵaı qalasynan hat keledi. Bul hatty Dına Smaılovaǵa Dıanany óz qamqorlyǵyna alǵysy kelgen Nadejda esimdi áıel jazǵan.
Ol osy oqıǵa týraly estigen boıda Dıanaǵa kómektesý úshin ony izdegen. 2017 jyly ǵana qyzdy senim hat arqyly óz qamqorlyǵyna alady. Nadejdanyń Dıanadan basqa 2 balasy bar bolsa da Dıanaǵa óziniń týǵan qyzyndaı kóredi», dep jazady Dına Smaılova.
Ary qaraı oqıǵa jelisi túsinikti bolýy úshin Nadejdanyń Dına Smaılovaǵa jazǵan hatyn nazarlaryńyzǵa usynamyz.
2017 jyldyń mamyr aıynda men esirkige táýeldi áıelge esh eskertýsiz kelip, Dıananyń jerde batareıanyń qasynda jatqanyn kórdim. Al úlken qyzy kerýertte uıyqtap jatyr. Men anasynan Dıananyń betine ne bolǵanyn suraǵan kezde ol bilmeımin dep jaýap berdi.
— Ol mektepke baryp júr me? – Joq
— Nege? – Ózi barǵysy kelmeıdi.
— Balanyń betine ne bolǵan? – Bilmeımin.
Álgi áıel meniń qoıǵan barlyq suraǵyma bilmeımin dep jaýap berdi.
Áıelden senim hat boıynsha Dıanany óz qamqorlyǵyma alýdy suradym. 2017 jyly 17 tamyzda jasalǵan senimhat mende áli kúnge deıin saqtaýly. Senim hat arqyly men Dıanany emdeýge, mektepke qujattardy jınaýǵa, Qazaqstandaǵy basqa qalalarǵa apara alamyn.
Men mektepke qujattardy jınap, medısınalyq tekserýden Dıanany ótkizdim. Qazir Dıananyń jasy 14-te bolsa da ol 3 synypqa barýǵa májbúr. Sebebi onyń anasy lıseıde oqyp jatqan Dıanany úıde qamap ustaǵan. Oǵan Reseıdegi ájesiniń úıine ketip, sol jaqtaǵy arnaıy mektepte oqyp jatyr degen jalǵan anyqtama jasatqan. Biraq onyń Dıanany Reseıge jiberýge esh quqyǵy bolmady. Sebebi ony ájesine jiberý úshin tergeýshilerdiń tekserýinen ótýi kerek bolatyn sebebi kezinde ájesi nemeresin aıaýsyz uryp soqqan.
Ýchastkelik polısıa Dıana turǵan úıge kelip teksergen kezde qyzdy shkafqa tyǵyp qoıypty. Keıin men Dıanany medısınalyq tekserýden ótkizgen kezde dárigerler onyń qarapaıym mektepte bilim ala almaıtynyn, Dıananyń múgedek ekenin aıtty. Birneshe ret em aldyq, bir jyl boıy psıhologtardyń tekserýinde boldyq.
Dıana únemi sumdyq oqıǵalardy bastan ótkergenin aıtyp otyratyn. Ol anasynyń qalaı betinen balǵamen urǵanyn, qulaǵyna, quıymshyǵyna zaqym keltirgenin aıtyp berdi. Dıananyń denesinde 80-ge jýyq tyrtyq bar.
Keıin arnaıy komısıadan ótkennen keıin Dıanany mektepke qabyldady alaıda 3 synypty úıden oqıtyn boldy. Dıanany muǵalimder únemi jaqsy oqıdy dep maqtap otyrady. Qazir apta saıyn psıhologtyń qabyldaýynda bolamyz, ol qazir qorqynyshty kúnderin aqyryndap umytyp, qalypqa kele bastady.
Bir kúni psıholog Dıanadan «er adamdar týraly bilesiń be?» degen tosyn suraq qoıǵan kezde, «men bárin bilemin, men er adamdardyń jynystyq aǵzasyn bilemin», dep jaýap berdi. Men muny Dıanadan alǵash ret estip, birtúrli ishteı jaman boldym. Psıholog maǵan Dıanaǵa ishki oıyn túgel jazýy úshin arnaıy qoıyn dápter berýge keńes berdi. Men psıhologtyń keńesine qulaq asyp, Dıanaǵa qoıyn dápter berdim. Ol álgi dápterge buryn estimegen jaıttardy jaza bastady, tipti oqyp otyryp denem túrshigip ketti. Kezinde anasy Dıanany kúshtep pedofılderge 200 ben 6000 teńgege aralyǵynda «satqan» eken. Tipti Dıanany pedofılderge berip onyń aqysyna kartop ta alypty. Dápterge ol barlyǵyn ashyp jazdy. Birde anasy ony uryp jatyp, qolyn syndyrǵan. Qolyn syndyrǵanyn túsingen áıel Dıananyń qolyn japsyrmamen ústelge jabystyp, «qozǵalma» dep eskertken. Alaıda Dıana qolyn qozǵaltqandyqtan qazir qoly qısyq bolyp bitken. Tipti Dıana dápterge er adamdardyń attaryn syzyp kórsetipti.
Biz birden Áýezov aýdanynyń İshki ister basqarmasyna bardyq. Tergeýdi Sharıpov degen azamat júrgizdi. Bul 2017 jyldyń qazan aıynda bolǵan oqıǵa edi. Tergeýshi menen Dıananyń «jyndy» emes ekendigi týraly anyqtamany talap etip, bul Dıananyń jazǵandaryna arnaıy anyqtamasyz sene almaıtynyn aıtty.
Al Dıana tergeýshini kórgen kezde «Men sizdi tanımyn. Siz meni anam shkafqa tyǵyp qoıǵan kezde bizdiń úıge tekserýge kelgensiz. Men shkafta tynysh otyrmasam, anam meni aıamaı uratynyn aıtqan», dedi.
Al tergeýshi, Dıanany sol kezde kórgende basqasha bolǵanyn, betindegi tyrtyqtardyń bolmaǵanyn aıtty. Qazir Dıananyń murnynyń, tisiniń saý tamtyǵy qalmaǵan. Ol munyń barlyǵyn anasy men «aǵalardyń» jasaǵanyn aıtty.
Dıana talaı medısınalyq tekserýden, saraptamalardan ótti. Men qazir Dıanany óz qamqorlyǵyma alǵym keledi, alaıda tergeýshi bul iske aralasýǵa esh haqym joq ekenin aıtty. Sebebi men Dıanaǵa eshkim emespin.
Al Dıananyń anasyn ata-analyq quqyqtan aıyrmaıdy, sebebi onyń taǵy eki qyzy bar. Úlken qyzy 17 jasta, 14 jasynda bala týyp qazir kúıeýimen turyp, anasymen birge sol balasyn asyrap otyr. Polısıanyń aıtýynsha, álgi áıeldi ata-analyq quqyqtan aıyra almaıdy, sebebi ol Dıanadan basqa qyzdaryna jaqsy qaraıdy eken. Polısıa qyzmetkerleri Dıanany týǵan anasyna berýdi talap etip otyr. Olar Dıanany únemi qadaǵalaýda ustaıtyn bolamyz deıdi. Alaıda men Dıanany anasyna berýge qorqamyn. Dıana jaı ǵana bere salatyn mysyq nemese ıt emes qoı. Barlyqtaryńyzdy Dıananyń taǵdyry beı-jaı qaldyrmaıdy dep senemin. Men Dıanany óz qamqorlyǵyma alǵym keledi.
Oqyrmandardyń arasynda Dıanaǵa kómekteskisi keletinder bolsa redaksıamyzǵa habarlasýyn suraımyz:
Keńse telefony: 8-727-354-00-94 nemese 87017082725
