Shyńjań uıǵyr avtonomıalyq bıligi 625 etnıkalyq qazaqqa Qazaqstanǵa barýǵa shekteý qoıǵan
QR Syrtqy ister mınıstri Qaırat Ábdirahmanov Qytaıdaǵy qazaqtar máselesi qalaı sheshilip jatqanyn aıtty, dep habarlaıdy Sputnik Qazaqstan .
Syrtqy ister mınıstri Saıragúl Saýytbaıdyń bostandyqqa shyǵýy Qazaqstan men Qytaıdyń qarym-qatynasyna eshqandaı salqynyn tıgizbeıtinin atap ótti.
"Barlyq másele quqyqtyq negizde sheshiledi. Eki eldiń qarym-qatynasyna eshqandaı salqynyn tıgizbeıdi", — dedi Ábdirahmanov.
Onyń aıtýynsha, Shyńjań uıǵyr avtonomıalyq bıligi 625 etnıkalyq qazaqqa Qazaqstanǵa barýǵa shekteý qoıǵan.
"Qazir Qazaqstan úkimeti Shyńjań uıǵyr avtnomıalyq bıligi 625 etnıkalyq qazaq úshin Qazaqstanǵa shyǵýǵa qoıǵan shekteýdi joıý máselesin qarastyrýda. 2018 jylǵy 7 tamyzdaǵy málimetke sáıkes, Qazaqstannyń sheteldik mekemeleri men syrtqy ister mınıstrligine júgingen, Qazaqstanǵa ýaqytsha shyǵýǵa shekteý qoıylǵan 19 azamattyń 15-i bosatyldy. Sondaı-aq qos azamattyq úshin ustalǵan barlyq 12 adam bosatyldy", — dedi ol.
Mınıstr vedomstvoǵa Qytaıdan kóship kelgen jáne únemi Qazaqstanda turatyn etnıkalyq qazaqtardan birneshe másele boıynsha ótinimder túsip jatqanyn aıtty.
"Birinshiden, Qazaqstan azamattarynyń qos azamattyq úshin ustalýy. Ekinshiden, Qazaqstanda turýǵa yqtıarhaty bar Qytaı azamattarynyń ustalýy. Úshinshiden, Qazaqstan azamattyǵyn qabyldaǵan jáne Qazaqstanda únemi turatyn etnıkalyq qazaqtarǵa Qytaıdaǵy zeınetaqy jınaqtaryn berýin toqtatý týraly másele. Qazirgi tańda qos tarap osy máseleni sheshý úshin tyǵyz jumys isteýde", — dedi ol.