Feısbýkti ashyp qalsaq, Samat Nurtazanyń «Dostyq. Angola. Munaı. Qarý» degen jazbasy kózge ottaı basylyp shyǵa keldi. Keshe ǵana Elbasynyń pármenimen QR Qorǵanys mınıstri atanǵan Nurlan Ermekbaev týraly qyzyqty aqparatqa toly jazbany oqyrman nazaryna usynamyz.

«Sonaý 1985 jyly jas ta bolsa, bas bolyp júrgen keńestik barlaýshy Igor Sechın Túrkimenstannan Angolaǵa áskerı aýdarmashylardy basqarý úshin aýdarylady. Angolada ol kezde azamattyq soǵys órship turǵan bolatyn. Igor Ivanovıchtiń portýgal jáne fransýz tilderin jetik bilýi nur ústine nur bolady. Sol jyldary onyń qaramaǵyna Qazaq KSRO-dan Nurlan Ermekbaev kelip qosylady. Portýgal tiline sýdaı Ermekbaev Sechınge birden unaı ketedi. Sodan beri ekeýiniń aralas-quralastyǵy dostyqqa ulasqan. Tipti otbasymen aralasady.  Angoladan keıin 1989 jyly Igor Sechın LenMÝ-de shet tili kafedrasynda sabaq berip júrgende Vladımır Pýtın oqý isi jónindegi prorektor bolady.  Dál sol ýaqytta ekeýiniń áńgimesi jarasa ketken desedi. Qysqasy, Igor Ivanovıch Sechın Reseı munaıynyń padıshahy bolsa, Ermekbaev Qorǵanys mınıstri bolyp shyǵa keldi. Munaı men qarý dostyǵynan artyq ne bar... »

QR Din isteri jáne azamattyq qoǵam mınıstrligin basqarǵan Nurlan Ermekbaevtyń Qorǵanys mınıstr bolyp shyǵa kelýi bizdi de tań qaldyrmaı qoımady. Elbasy ne istese de halyq ıgiligi úshin jasaıtyny anyq qoı. Sondyqtan «bismillá» dep bárin birinshi kezekte Jaratqanǵa jáne Nursultanǵa tapsyrdyq.