Buǵan deıin Qamshy.kz aqparat agenttiginde «Vostochnık-3» baýbaqsha qoǵamdastyǵynyń basshysy Shýshannıkov G.P-nyń til týraly zańdy buzyp, turǵyndar quqyǵynyń taptalyp jatqanyn jazdyq. Búgin Shýshannıkovtyń ózimen tildesý maqsatynda habarlastyq. Mundaǵy maqsatymyz onyń jeke basyna tıisý emes, tek «quqyǵym taptaldy», «qazaq tili aıaqqa taptalyp jatyr» dep ashynǵan oqyrmannyń máselesin kóterý. Qamshy.kz aqparat agenttigi til, ultqa qatysty máselede únsiz qala almaıdy. Sondyqtan osy máseleni kóterip tıisti mekemelerge habarlasyp jatyrmyz.
Shýshannıkovtyń bizge bergen jaýaby tómendegideı.
- Byltyr qarashanyń basynda sizderdiń saıttaryńyzda «Vostochnık-3» baýbaqsha qoǵamdastyǵyna qarasty saıajaıda qazaq tiliniń háli múshkil degen ispettes maqala jaryq kórgennen keıin Óskemende biraz shý boldy.
«Vostochnık-3» baýbaqsha qoǵamdastyǵy ózin ózi qarjylandyrady. Qujattardy qazaq tiline aýdarý qajet pe, álde joq pa ony qoǵamdastyqty qarjylandyratyndar sheshedi, ıaǵnı baýbaqsha qoǵamdastyǵy músheleri sheshedi.
Bıylǵy jyly ótken jınalysta osy suraqty arnaıy talqylaýǵa qoıdym. Jınalysta baýbaqsha qoǵamdastyǵy aqparatty qazaq tiline aýdarýǵa qarjy bólmeıdi dep sheshildi. Men zeınetkermin, óz qaltamnan aýdarmaǵa aqsha shyǵarmaımyn.
- Biraq Qazaqstan Respýblıkasynyń aýmaǵynda turatyn barlyq adam Qazaqstannyń zańyna moıynsynýǵa mindetti ǵoı...
Bul tusta másele kez kelgen aqparatty qazaqshaǵa aýdarýǵa qajetti aqshaǵa qatysty bolyp tur. Ózińizge belgili, A4 formatyndaǵy bir bet aýdarma 2500-3500 teńge turady. Aqshany qaıdan alamyz? Ákimge de dál osy suraqty qoıdym.
- Onda aýdarma jumysymen tegin aınalysatyn aýdarmashy taýyp bereıik?
- Qudaı úshin... Ákimdik te, Qazaqstannyń halyqtar Assambleıasy da usyndy, biraq is naqty aqshaǵa tirelgende eshkim ony tegin jasaǵysy kelmeıtin bolyp shyǵady.
Eger tegin aýdarma jasaımyn deseńizder, marhabat. Bizde «Jınalys osy kúni bolady» degen sekildi ǵana aqparat. Bul - bir
Ekinshiden, «orys tilin túsinbeımiz. Ásirese egde jastaǵy adamdar» degen saryndaǵy shaǵymǵa qatysty aıtaıyn. Olardyń barlyǵy KSRO kezinde orys tilin oqyp, óskender. Sondyqtan áńgime ne týraly bolyp jatqanyn jaqsy túsinedi.
- Túsinesiz be, munda másele olardyń qazaq tilin túsinetininde nemese túsinbeıtinin de emes. QR Til týraly zańy bar. Oǵan sáıkes, olar qazaq tilinde aqparatty talap etýine tolyq quqyǵy bar.
- Bul tek qoǵamdastyqtyń ǵana emes, ákimdik, tipti UQK-ge qatysty másele. Eger men QR Zańyn buzǵan bolsam qazir sizben bylaı sóılesip otyrmas edim.
- Siz Reseı azamaty degen aqparat ras pa?
- Iá, ras. Sonymen...
- Joq, sizdi eshteńege aıyptap turǵanymyz joq. Aqparatty ras, ótirigin anyqtaý úshin surap otyrmyz.
- Bul suraq aǵymdaǵy jyly aqpanda nemese naýryzda Óskemen qalasy ákimimen kezdesýde talqylandy. Kezdesýde kóshi-qon, UQK ókilderi boldy. Sol kezde ákimniń ózi QR UQK ókilinen «Oǵan bola ma?» dep surap edi, ol oılanbastan «Iá» dep jaýap berdi.
Meniń yqtıar hatym bolǵandyqtan Qazaqstan azamatyna beriletin barlyq quqyq pen mindetter maǵan da júkteledi.
- Qazaqstanda turyp, jumys istep jatqandyqtan Qazaqstannyń azamattyǵyn alǵyńyz kele me?
Men Qazaqstan azamaty bolǵanmyn. Balam belgili bir sebepterge baılanysty qazir Tomskide. Ol maǵan páter usyndy.
Yqtıar hatym bolǵandyqtan Qazaqstan azamattaryna beriletin barlyq quqyq mende de bar. Eń bastysy Qazaqstan Respýblıkasynyń Zańyn buzbaý.
Áıelim saıajaıdy basqarýǵa senim hat berdi. Baýbaqsha qoǵamdastyǵy múshesine tıesili barlyq quqyqty paıdalana alamyn.
- Ózińizdi Qazaqstannyń patrıotymyn dep esepteısiz be?
Nege patrıotymen demeske? Men eshkimge eshqashan «Bul jaman el, munda jaman adamdar turady» dep aıtqan emespin. Men osy jerde týdym, óstim, jumys istedim. Ómir boıy osy jerde ómir súrip kelemin.
«Vostochnık-3» baýbaqsha qoǵamdastyǵyna qarasty saıajaı turǵyndary qazaq tilinde aqparat alý quqyǵynan aıyrylyp otyr. Eger bul olqylyqty sheship, tegin aýdarma jumystaryn jasap berip qazaq tiliniń kósegesin kógertý úshin óz úlesińizdi qosqyńyz kelse redaksıamyzǵa habarlasyńyzdar.
