Jarty jyl buryn Qazaqstanda «7-20-25» atty jańa baǵdarlama iske qosyldy.  Baǵdarlamaǵa sáıkes, turǵyndar tıimdi jolmen jeke páterge qol jetkize alady. Qyrkúıekten bastap baǵdarlamaǵa Halyk Bank atsalysa bastady, óte jaqyn ýaqytta baqytty jandar páterleriniń kiltin qolyna almaq.

Halyk Bank bólshek bıznes departamentiniń dırektory Dınara Amanbaevanyń sózine qaraǵanda, jyldyń sońyna deıin bank qarjy somasy 3,3 mıllıard teńge kóleminde 200-250 qaryz berýdi josparlap otyr. Ári Dınara hanym «7-20-25» baǵdarlamasy arqyly Halyk Bank-ten úı alý asa tıimdi ekenin eskerdi.

Potensıaldyq qaryz alýshyǵa qoıylatyn talaptar da qatal emes: Qazaqstannyń azamaty bolýy tıis, resmı tabysy – 120 myńnan 200 myńǵa deıin, jeke páteri bolmaýy shart, jasy kem degende 21-de jáne 60-tan aspaǵan.

Ótinishti qararda nesıe tarıhy da esepke alynady: nesıeni ýaqytyly tóleýi, qazirgi ýaqytta tólep jatqan nesıe – bári qaralady.

«Eger klıenttiń tabysy jetpeı qalsa, ıpotekalyq qaryzdy rásimdeý úshin otbasy músheleriniń biri qosalqy qaryz alýshy retinde qatysa alady.  Qaryz alýshyǵa qoıylatyn talap ta ádettegideı – nesıe tarıhynyń jaqsy bolýy, qaryzdaryn jyldam ári ýaqytyly jaýyp otyrýy. Ári qosalqy qaryz alýshynyń da jeke basynda páteri bolmaýy tıis», - dedi Halyk Bank bólshek bıznes departamentiniń dırektory Dınara Amanbaeva.

Baǵdarlama arqyly alýǵa bolatyn páterge de mynadaı talaptar qoıylady: onyń alǵashqy ıaǵnı jańa bolýy, qurylys kompanıasyna tıesili bolýy jáne paıdalanýǵa beriletin páter bolýy kerek. Buǵan qosa páterdiń quny 25 mıllıon teńgeden joǵary bolýy shart.

Sonymen qatar, bank ókilderi qaryz boıynsha aı saıynǵy tóleıtin qarjy somasyn 10-12 mıllıon teńgege eseptedi. Ol 71-85 myń teńgeni qurady, Almatyda eki bólmeli páterge jaldap tóleıtin somadan tómen ekenin aıtady. Osylaısha, jeke páterge ıe bolǵan jas otbasylar men ortasha jalaqy alatyn azamattar jaldamaly páterge beretin aqshadan az somany tóleıtin bolady. Sondaı-aq qaryz alýshy Halyk Bank-ke de qyzmet úshin artqy aqsha tólemeıdi.

«Ózgege tólegenshe, ózińe tólegeniń myń ese artyq. Ári «7-20-25» baǵdarlamasy áldeqaıda tıimdi», - dedi Dınara Amanbaeva. Bankırdiń sózinshe, nesıege aryz berýshilerdiń ótinishi jyldam qaralady, al baǵdarlamanyń sharttary jaıly Halyk Bank- tyń respýblıkadaǵy 634 bólimshesinen surap bilýge bolady. Nebári azǵantaı qujattardy jınap, qaryzdy rásimdeýge ǵana ýaqytyńyz ketedi. Alaıda páter alarda turǵyn úı baǵdarlamasynyń tıimdi sharttaryn tańdarda suraqtar týyndaýy múmkin. Mundaı jaǵdaıda Halyk Bank ózimen jumys isteıtin serikter qurylys kompanıalaryn usyna alady. Máselen, Almaty qalasynda «Órkendeý», «Han-Táńiri» sekildi turǵyn úı keshenderi bar.

Memlekettik baǵdarlamaǵa qosymsha retinde, bank Halyk Bank jalaqy jobasynyń qatysýshylary úshin jeńildikter jasaýdy jalǵastyrady. Máselen, Halyk Sale baǵdarlamasy arqyly qaryz alýshy bank balansyna tıesili nesıe mólsherlemesi jyldyq 8 paıyzdan bastalatyn múlikti ala alady, . Bank balansynda «7-20-25» baǵdarlamasy boıynsha satyp alýǵa bolatyn birinshi deńgeıdegi páterler de bar.

Baǵdarlama iske qosylǵaly bank alǵashqy 20 ótinishti qarady, qaryz alýshylar nesıeniń maquldanýyn kútip otyr. «Armandary oryndalyp, jeke páterine kiretin ýaqytqa da az qaldy», - dedi Amanbaeva.

Aıta keteıik, buǵan deıin QR Ulttyq banki «7-20-25» baǵdarlamasyna qatysatyn seriktes bankterdi atap shyqqan. Olar: Bank Sentrkredıt, Eýrazıa banki, ATF bank, RBK banki, Sesna bank, Turǵyn úı qurylys jınaq banki jáne Halyq banki. Al jyl sońyna deıin Sberbank pen Forte bank qosylýy múmkin.

Baǵdarlama boıynsha jylyna 7 paıyz ústememen 25 jylǵa beriledi. Alǵashqy jarna – 20paıyz.

Jańa ıpotekalyq qaryzdy Qazaqstan Respýblıkasynyń kez kelgen azamaty ala alady. Tek basynda jyljymaıtyn múlki bolmaýy shart. Baǵdarlama boıynsha Qazaqstannyń kez kelgen óńirinen Almaty, Astana, Atyraý qalalarynan eń maksımaldy 25 mıllıon teńgege, qalǵan óńirlerde 15 mıllıon teńgeden baspana satyp alýǵa bolady.