Qazaqstan quramasy jastar arasynda jalpykomandalyq esepte birinshi jáne eresekter arasynda ekinshi oryn aldy, dep habarlaıdy Qamshy.kz aqparat agenttigi.

Túrkıada armrestlıngten ótken Álem chempıonatynda Erkin Álimjanov eki altyn jeńip alyp, eki dúrkin álem chempıony atandy. Elordalyq «Jiger» sport klýbynyń tárbıelenýshisi halyqaralyq dodada ardagerler arasynda 75 kg salmaq sanatynda óner kórsetip, oń jáne sol qolmen kúsh synasýda birinshi oryn aldy.

Armrestlıngten Álem chempıonatynda Qazaqstan quramasynyń sapynda Astanadan «Tolaǵaı» joǵary sport sheberligi mektebiniń sportshylary da óner kórsetti. Olar qazaqstandyq komandanyń qorjynyna tórt júlde saldy: 2 altyn, 1 kúmis jáne 1 qola. QR eńbek sińirgen sport sheberi Georgıı Dzeranov 100 kg salmaq sanatynda sol qolmen kúreste birinshi oryn aldy. QR halyqaralyq synyptaǵy sport sheberi Álimjan Muratov 80 kg salmaq sanatynda sol qolmen kúreste birinshi oryn, oń qolmen kúreste ekinshi oryn aldy.

QR Sport sheberi Arman Rahmanqulov 85 kg salmaq sanatynda oń qolmen kúreste qola júldeni qanaǵat tutty.

Armrestlıngten Álem chempıonaty Túrkıanyń Antalá qalasynda 12-21 qazanda ótti. Jarysta álemniń 40-tan astam memleketinen 1300 tarta sportshy básekege tústi.