Burynǵy ótken zamanda,
Din musylman amanda,
... Jıdeli Baısyn jerinde,
Qońyrat degen elinde
Baıbóri degen baı bopty, - dep bastalatyn Alpamys batyr jyrynyń úzindisin jatqa oqý áleýmettik jelide keńinen tarap, talqylanyp jatyr. Kópshiligimiz mektep kezde oqyǵan bul jyrdy jastar arasynda keńinen nasıhattaý maqsatynda tanymal juldyzdar men zıaly qaýym ókilderi estafeta jarıalady.

Bul estafeta Almaty qalasy Bilim basqarmasynyń jalpy júlde qory 12 mln teńgeni quraıtyn  "Tulpar minip, tý alǵan" ádebı-tanymdyq baıqaýyn jarıalaǵannan keıin bastaý alǵan bolatyn. Alaıda atalmysh respýblıkalyq baıqaý óz máresine jetti.

♦«Tulpar minip, tý alǵan» Ulttyq baıqaýynyń qorytyndysy shyqty

Bir aı buryn aqyn Qalqaman Sarınniń estafetasyn jalǵap, Berik Ýálı bir úzindi oqyp berip, kelesi kezekti Erlan Qarınge usynǵan bolatyn. Bir aı boıy úndemegen ulttyq arna basshysy estafetany kesh bolsa da jalǵap, feısbýk oqyrmandaryn, jalpy jurtshylyqty bir qýantyp tastady. Qamshy saıty atalmysh estafetany qoldaý maqsatynda «Bóriktiniń namysy bir nemese Erlan Qarınge qandaı estafeta joldandy?» degen materıal jarıalaǵan bolatynbyz.

♦Bóriktiniń namysy bir nemese Erlan Qarınge qandaı estafeta joldandy?

Erlan myrzanyń ýaqyt taýyp, belsendilik tanytqany bóriktiniń namysy bir ekendigin dáleldeı túskendeı. Degenmen Sáken Maıǵazıev Bekjan Turystyń estafetasyn eki aı ótse de jalǵamady.