«Bastaý Bıznes» baǵdarlamasynyń qatysýshylary shaǵyn nesıeni paıdalaný quqyǵyna ıe boldy.
Qazaqstan Respýblıkasynyń premer-mınıstri Baqytjan Saǵyntaev «Aq jol» parlament fraksıasynyń suraǵyna jaýap berýi barysynda aýyldy aımaqtardaǵy shaǵyn nesıege bólingen qarjynyń kólemin atady. Májilistiń resmı saıtynda jarıalanǵandaı, shaǵyn nesıeniń kólemi 4 mıllıon teńgeni quraıdy.
«Búginde shaǵyn nesıeleý praktıkasynyń aýyldyq aımaqtardaǵy naqty kólemi 4 mıllıon teńgeni qurasa, qalada 10 mıllıon teńgeni qurady. 2017 jyldyń qorytyndysyna sáıkes, shaǵyn nesıeniń ortasha mólsheri 4 mıllıon teńge bolsa, 9 aılyq mólsher 4,3 mıllıon teńgege jetken», - dep túsindirdi Baqytjan Saǵyntaev.
Osylaısha, shaǵyn nesıeleýge baılanysty týǵan azdy-kópti máseleler men «Shaǵyn nesıeleýdiń aýqymyn keńeıtý» prosesine bólingen qosymsha qarjyny eskersek, 14 myń adamdy qamtý úshin shaǵyn nesıeleýdiń lımıtin qaıta saralaý týraly sheshim qabyldanǵan.
Osyǵan baılanysty baǵdarlamaǵa engizilgen qosymshalar men ózgeristerdiń qatarynda mynalar bar: úsh jylǵa jýyq memlekettik tirkeýde turǵan kásipkerlerdiń sanyn arttyrý; shaǵyn nesıeni alýshynyń jumys oryndaryn qurý týraly talabyn azaıtý; aýylsharýashylyǵyn damytý maqsatynda aýyldyq aımaqtarda shaǵyn nesıe mólsherin maksımaldy kórsetkishke jetkizý - 5 myń MRP-dan 8 myń MRP-ǵa deıin.
Sonymen qatar «Bastaý Bıznes» kásipkerlik negizderin oqytatyn jobanyń sertıfıkatyn alǵandar, jalpy baǵdarlamaǵa qatysqandar shaǵyn nesıe alatyn múmkindikke ıe bolady.
«Baǵdarlamany damytý prosesi – kúndelikti baqylaýda. Onyń damý joly ár otyrysta talqylanady», - dedi qorytyndy sózinde Baqytjan Saǵyntaev.
Elbasynyń bes áleýmettik bastamasyndaǵy tórtinshisi – shaǵyn nesıelerdi berýdiń aýqymyn keńeıtý josparlandy. 2018 jyly qosymsha 20 mlrd teńge bólý ári shaǵyn nesıeleýdiń jalpy somasyn 62 mlrd teńgege deıin kóbeıtý qarastyryldy. Nátıjesinde bul bastamaǵa 14 myń adam qatysa alady, bul kórsetkish 2017 jylǵa qaraǵanda eki esege artqan.
Qazirgi ýaqytta Almatyda ózin-ózi qamtamasyz etetin turǵyndar men jumyssyzdar arasynda kásipkerlikti damytý jumystary júrgizilip jatyr. Bul jumystardy júrgizýdiń maqsaty – shaǵyn nesıelerdi berý. Búgingi kúnniń ózinde Jumyspen qamtý ortalyǵyna megapolıstiń 29128 turǵyny barǵan, olardyń ishinde 11579-y jumyssyzdar.
Onyń ústine 2017 jyly ózin-ózi qamtıtyndar men Almatydaǵy jumyssyz turǵyndarǵa shaǵyn nesıe berý 2017-2021 jyldardaǵy ónimdi jumyspen qamtý jáne kásipkerlikti damytýǵa arnalǵan «Eńbek» baǵdarlamasy aıasynda bastalǵan.
Almaty qalasy jumyspen qamtý jáne áleýmettik baǵdarlamalar basqarmasynyń deregine súıensek, byltyr shaǵyn nesıeleý úshin 1 006 mıllıon teige bólingen eken, sonymen qatar qosymsha 2 015 mıllıon teńge ári 43 jobany iske asyrý úshin 662 mıllıon teńge bólingen. «Kásipkerliktiń negizderi» kýrstarynda 265 adam bilim aldy, olardyń 10-y ǵana jeke kásibin ashty.
Bıyl jumyssyzdar men ózin-ózi jumyspen qamtamasyz etetinder úshin 150 shaǵyn nesıe berý josparlandy, osy maqsatta 436,4 myń teńge bólindi, onyń 335,1 myń teńgesi shaǵyn nesıeleýge ketse, 101,3 myń teńgesi shaǵyn nesıelerge kepil berý úshin jumsalady.
Barlyq merzimdi qosa eseptegende 2017-2018 jyldardaǵy baǵdarlamany júzege asyrý úshin 148 joba 2205 mıllıon teńgege qarjylandy.
Jalpy, 2017 jyly ónimdi jumyspen qamtý jáne jappaı kásipkerlikti damytý baǵdarlamasy úshin 63 joba 905 mıllıon teńgege qarjylandyrylǵan. Aǵymdaǵy jyly 1,3 mıllıard teńge kólemindegi 85 shaǵyn nesıe berildi.
«Baǵdarlamany júzege asyrýdy bastaǵaly 2,2 mıllıard teńge kóleminde 148 joba qarjylandyryldy. 465 jumys orny saqtalyp, jańa 155 jumys ornyn qurý josparlandy», - delingen qujat vedomstvosynda.
Agenttiktiń málimetine súıensek, Almaty qalasyndaǵy kásipkerlik potensıaldyń áleýeti zor. Statısıkaǵa súıensek, qalada 271 794 shaǵyn jáne orta bıznes tirkelgen. Bul 2017 jylǵa qaraǵanda 3,4 paıyzǵa joǵary kórsetkish. 2018 jyldyń sońyna deıin taǵy 55 jobany qarjylandyrý josparda bar.
«Jumys kelesi jyldary da jalǵasatyn bolady, osylaısha jumyssyzdar men ózin-ózi jumyspen qamtıtyn azamattar belsendi túrde kásip ashyp, ómirlik deńgeıin jaqsartýǵa mol múmkindik týmaq», - dep málimdedi Almaty qalasy jumyspen qamtý jáne áleýmettik baǵdarlamalar basqarmasynyń ókilderi.
Basqarma dereginde súıensek, Nursultan Nazarbaevtyń bes áleýmettik bastamasyn júzege asyrý jumystary 2019 jyly da jalǵasyn tabady, jastardyń jeke ispen aınalysyp, kásip ashýlaryna úlken múmkindik jasalady. Shaǵyn nesıeleý baǵdarlamasyn 2019 jyly júzege asyrý úshin memlekettik búdjetten 419,7 mıllıon teńge bólý josparlandy, al qalalyq búdjetten bólinetin qarjy mólsheri – 1 mlrd teńge.
Budan buryn Elbasy halyqqa shaǵyn nesıe berý baǵdarlamasyn ózin-ózi jumyspen qamtyǵandar men jumyssyzdarǵa usynylǵan eń tıimdi jol ekenin aıtyp ótken bolatyn.
«Bıyl qazaqstandyqtarǵa beriletin shaǵyn nesıe somasyn 2017 jylǵymen salystyrǵanda 20 mıllıard teńgege kóbeıtýdi tapsyramyn. Sonda onyń jalpy somasy jylyna 62 mıllıard teńgeni quraıdy», - degen Nazarbaev kásip ashyp, ózi isin bastaıtyn jastardyń sany artatynyna senimdi.
