«Nur Otan» partıasynyń qoǵamdyq qabyldaýynda Turǵyn úı qurylys jınaq bankiniń qyzmetkerleri azamattardy qabyldaı bastady.
Endi qazaqstandyqtar turǵyn úı máselesin shuǵyl túrde sheshýge múmkindik aldy. «Nur Otan» HDP qoǵamdyq qabyldaýyna kelip, mamandardan keńes suraýyna bolady. Kim memleketten áleýmettik páter alady? Baspanany tómengi paıyzben kredıtke qalaı satyp alýǵa bolady? Arzan turǵyn úı satyp alý úshin jınaq aqshany qalaı saqtaǵan jón? Osy taqilettes jıi qoıylatyn suraqtarǵa QTQJB ókilderi tikeleı jaýap bermek.
Sonymen qatar, Turǵyn úı qurylys jınaq banki qyzmetkerleri banktiń «Nurly jol» jańa ekonomıkalyq saıasatyn qoldaı otyryp, halyqtyń qalyń jigin áleýmettik turǵyn úımen qamtamasyz etý úshin qosymsha qandaı is-shara jasap jatqanyn da baıandap berýge ázir.
Sóz joq, turǵyn úı máselesi men qoljetimdi páter satyp alý – búgingi kúngi eń ótkir máselelerdiń biri. Sondyqtan Turǵyn úı qurylys jınaq banki qyzmetkerleri jáne «Nur Otan» partıasynyń músheleri birlese otyryp, qoǵamdyq qabyldaýda turǵyndarǵa keńes berip jatyr. Azamattardyń máselesin osylaısha tezirek sheshýge bolady.
Qazir halyqty «Qoljetimdi turǵyn úı–2020» baǵdarlamasymen salynǵan nysandardyń ýaqtyly berilý máselesi men paıdalanýǵa beriletin «áleýmettik» sharshy metrlerdiń sany tolǵandyryp júr. QTQJB-nyń habarlaýynsha, 2015 jyly paıdalanýǵa beriledi dep josparlanǵan barlyq úılerdiń qurylysy tolyq aıaqtalyp, olarǵa jańa páter ıeleri qonystanatyn bolady. Bıyl bank baǵytymen turǵyn úı qurylys baǵdarlamasyn júzege asyrýǵa Ulttyq qordan 30 mıllıard teńge bólindi. Jergilikti atqarý organdarymen jasalǵan kelisimderge súıensek, «Halyqtyń barlyq sanatyna arnalǵan turǵyn úı» jáne «Jas otbasyǵa arnalǵan turǵyn úı» atty eki baǵyt boıynsha 590 myń sharshy metr paıdalanýǵa berilmek.
«Nur Otan» HDP-nyń qoǵamdyq qabyldaýynda Turǵyn úı qurylys jınaq bankiniń ókilderi adamdardy grafık boıynsha aıyna bir ret qabyldaıdy. Qazaqstannyń barlyq oblystarynda, sondaı-aq Astana jáne Almaty qalalarynda da turaqty túrde keńes ótkizetin bolady.
«Nur Otan» partıasynyń qoǵamdyq qabyldaýynda «Qazaqstannyń turǵyn úı qurylys jınaq banki» AQ qyzmetkerleriniń azamattardy qabyldaý kúnderin myna siltemege ótip, kórýge bolady http://www.hcsbk.kz/kk/news/422-sotrudniki-zhilstroisberbanka-nachali-prinimat-grazhdan-v-obshchestvennyh-priemnyh-partii-nur-otan
qamshy.kz
