Almaty qalasynyń ıývenaldyq polısıa qyzmetkerleri «Demalys» jedel aldyn-alý is-sharasyn ótkizdi dep habarlaıdy Qamshy.kz aqparat agenttigi Almaty qalasy PD Baspasóz qyzmetine silteme jasaı otyryp. Onyń maqsaty – kámeletke tolmaǵandar arasyndaǵy quqyq buzýshylyqtyń aldyn alýǵa jáne qaraýsyzdyqqa, túngi ýaqytta oıyn-saýyq mekemelerinde jáne úıden tys jerde zańdy ókildersiz júrý, kámelenke tolmaǵandarǵa ishimdik jáne temeki satý, sondaı-aq balalardy zańsyz qyzmetke tartatyn eresekterdi anyqtaý.
«Inspektorlar jasaǵan jumys barysynda balalar túngi ýaqytta kompúterlik klýbtarda bolǵandary anyqtaldy. Kámeletke tolmaǵan jasóspirimderge aldyn-ala talqylaý júrgizildi. Olardyń ata-analary İİB-na shaqyrtyldy. Túngi oıyn-saýyq mekemelerinde kámeletke tolmaǵandardy izdeý is-sharasynyń eki kúndik qorytyndysy boıynsha 122 ata-ana ákimshilik jaýapkershilikke tartyldy. Jasóspirimderdi túngi ýaqytta mekemege kirgizgen taǵy úsh kompúterlik klýbtyń basshylaryna ákimshilik is-áreketter qoldanylatyn bolady. Mysaly, Almaty qalasynyń Bostandyq aýdanynda jergilikti reıdter kezinde tek bir túnde 12 ata-ana anyqtalyp, keıinnen jaýapqa tartyldy. Eki klýbtyń ákimshiligine 10-nan 50 AEK mólsherinde aıyppul salyndy», - Almaty qalasy İİD Jergilikti polısıa qyzmeti ıývenaldy polısıa bóliminiń bastyǵy, polısıa polkovnıgi Leıla Alıpbaeva.
Jalpy alǵanda, JPQ derekteri boıynsha, eki kún ishinde 147 jasóspirim ártúrli quqyq buzýshylyqtar úshin ishki ister organdaryna jetkizildi. Onyń 14-i kámeletke tolmaǵandardyń beıimdelý ortalyǵyna ornalastyryldy. Aldyn ala esepke 20 bala jáne 17 qolaısyz otbasy qoıyldy. Sondaı-aq, balalardy tárbıeleý boıynsha mindettemelerdi oryndamaǵany úshin 11 ata-ana QR ÁQbK-niń 127 babyna sáıkes ákimshilik jaýapkershilikke tartý maqsatynda materıaldar sotqa jiberildi.
