Eki jaqty kelissózder nátıjesinde «Qazaqstan» teleradıokorporasıasy otandyq kásipqoı boksshylarymyzdyń jekpe-jegin  «Qazaqstan» jáne «Qazsport»  telearnalarynda kórsetý quqyǵyna ıe boldy.

4 qarasha kúni AQSH-tyń Tehas shtatyndaǵy El-Pasodaǵy Don Haskins Convention Center kesheninde qazaq boksshylary Jánibek Álimhanuly men Saǵadat Rahmanqul boks keshiniń andekartynda sharshy alańǵa shyǵatyn bolady. Basty jekpe-jek meksıkalyq Mıgel Berchelt (34-1, 30 KO)  pen Mıgel Roman (60-12, 47 KO)  arasynda  ótedi. 

Bul Jánibek Álimhanulynyń (3-0, 1 KO) kásipqoı bokstaǵy tórtinshi jekpe-jegi bolmaq, onyń qarsylasy 32 jastaǵy amerıkalyq bylǵary qolǵap sheberi Von Aleksandr (12-1, 8 KO). Al, Saǵadat Rahmanqul (3-0, 1 KO)  pýerto-rıkalyq Nıklaýs Flazben (5-1, 4 KO) qolǵap túıistiredi.

Aıta keteıik, Jánibek Álimhanulynyń  áýesqoı boksta qol jetkizgen jetistikteri bir tóbe. Ol álem jáne Azıa chempıony, Azıa oıyndarynyń jeńimpazy, Qazaqstannyń birneshe dúrkin chempıony. 2018 jyly Jánibek kásipqoı boksqa aýysyp, 3 jekpe-jek ótkizip úlgerdi. Barlyǵynda jeńiske jetip, bireýin nokaýtpen aıaqtady. Al, qarsylasy Von Aleksandr kásipqoı boksta 13 jekpe-jek ótkizip, 12-de jeńiske jetip, 8 kezdesýin nokaýtpen aıaqtaǵan.

Saǵadat Rahmanqul  áýesqoı boksta 69 kelige deıingi salmaqta  2013 jyly el birinshiliginde top jaryp, al 2014 jyly kúmis júldeger atanǵan bolatyn.

Otandasymyzdyń jekpe-jekterin «Qazaqstan» men «Qazsport»  telearnalary 4 qarasha kúni, saǵat 04:00-de tikeleı efırde kórsetetin bolady.  Sondaı-aq, jekpe-jekterdi «Qazaqstan tv»  mobıldi qosymshasy arqyly  kóre alasyzdar!