Memleket basshysy Qazaqstannyń halyq jazýshysy, Memlekettik syılyqtyń laýreaty Ábdijámil Nurpeıisovti qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap. 

Kezdesýde Nursultan Nazarbaev pen Ábdijámil Nurpeıisov mádenıet salasynyń qazirgi jaǵdaıy jóninde pikir almasyp, otandyq ádebıetti odan ári damytýdyń perspektıvalaryn talqylady.

Ábdijámil Nurpeıisov -  Qazaqstannyń halyq jazýshysy, XX ǵasyrda qazaq ádebıetine zor úles qosqan sýretkerlerdiń biri, qoǵam qaıratkeri. 

♦90-nan asqan Ábdijámil aqsaqal Sherhan Murtazamen tik turyp qoshtasty (foto, vıdeo)

Ádebıetke 1947 jyldan aralasa bastady. Tuńǵysh shyǵarmasy – Uly Otan soǵysy taqyrybyna arnalǵan «Kýrlándıa» romany 1950 jyly jaryq kórdi. Bul shyǵarmasy úshin jazýshyǵa Jambyl atyndaǵy respýblıkalyq syılyq berildi. «Kýrlándıa» romanyn keıinnen óńdep, tolyqtyryp, 1958 jyly «Kútken kún» degen atpen qaıta jarıalady. «Qan men ter» trılogıasy (1-kitap – «Ymyrt», 1961; 2-kitap – «Sergeldeń», 1964; 3-kitap – «Kúıreý», 1970) jáne «Seń» (1983), «Sońǵy paryz» (1999) romandary dúnıe júzi halyqtarynyń kóptegen tilderine aýdarylǵan.