Qazaqstanda el halqynyń sany 2018 jyldyń 1 qarashasynda 18 mln 356,9 myń adamǵa jetip, 2017 jyldyń 1 qarashasymen salystyrǵanda 239,2 myń adamǵa nemese 1,3 paıyzǵa kóbeıdi. Bul týraly QR UEM Statısıka komıteti habarlady.
Atap aıtqanda, esepti kezeńde qala halqynyń sany 10 mln 312,8 myń adamdy nemese jalpy halyq sanynyń 57,8 paıyzyn, al aýyl halqy 7 mln 744 myń adamdy nemese 42,2 paıyzdy quraǵan.
Aǵymdaǵy jyldyń qańtar-qazanynda respýblıkada 1 jasqa tolmaǵan 2610 sábı shetinegen. 2017 jyldyń osyndaı kezeńimen salystyrǵanda 1 jasqa tolmaǵan balalardyń shetineýi 1,3 paıyzdy quraǵan. 2018 jyldyń on aıynda 1000 sábıge shaqqanda shetineý kórsetkishi 7,81 oqıǵany quraıdy.
2018 jyldyń qańtar-qazanynda ótken jyldyń dál osyndaı kezeńimen salystyrǵanda Qazaqstanǵa kelýshilerdiń sany 22,6 paıyzǵa qysqaryp, el aýmaǵynan ketkender sany 12,2 paıyzǵa artqan. Eldiń negizgi kóshi-qon aınalymy TMD memleketterin qamtıdy. TMD elderinen kelgen jáne osy elderge ketkenderdiń úlesi 78,4 jáne sáıkesinshe 90,6 paıyzdy qurady. Óńiraralyq kóshi-qonda elimizdiń úsh óńirinde oń saldo qalyptasyp otyr.
Shymkent (39556 adam)
Almaty (29 496)
Astana (15 189) qalalary.
Pikir qaldyrý