AQSH-tyń eks-prezıdenti aýrýhanadaǵy naýqas balalardy qýantý úshin Santa-Klaýs bolyp kıindi.

Sársenbi kúni Obama oılamaǵan jerden Ulttyq balalar aýrýhanasyna Santanyń kıimimen kirip barǵan. Ári qolynda syılyqqa toly dorbasy da bar.

Eks-prezıdent Tvıtterdegi paraqshasyna aýrýhanadaǵy saparynan vıdeo jarıalady. Aýrýhana qyzmetkerleri Obamanyń bul áreketine qatty tańǵalǵan. Obama tipti dárigerlermen birge balalar úshin We wish you a Merry Christmas ánin oryndap bergen eken. Kesh sońynda medısına qyzmetkerlerine úlken alǵysyn jaýdyrdy.

«Ózim eki qyzdyń ákesimin. Al dárigerler qanshama balaǵa qamqor, olarǵa kómektesedi, tyńdaıdy, qoldaıdy, mańyzdysy – osy», – dep aıtty Barak Obama.

Al byltyr AQSH-tyń 44-i prezıdenti Santa Klaýstyń kıimin kıip alyp, Boys & Girls Club balalar klýbyna barǵan.