EKSPO-dan keıin áleýmettik jelide Monıka esimdi qara násildi áıeldiń oqıǵasy qyzý talqyǵa túsken bolatyn. Monıka Qazaqstanǵa EKSPO-2017 kórmesi kezinde tabys tabý úshin kelgen. Alaıda onyń ómiri bir mezette túbegeıli ózgerdi. Monıka qazaq jigitten bala súıgenimen, óz "súıiktisin" taba almaı qaldy. Monıka Kamýkendj Kamganza "Analar úıine" ornalastyrylǵan dep jazady Qamshy.kz aqparat agenttigi.
Qazirgi Monıkanyń jaǵdaıy týraly "Qorǵaý Astana" qorynyń jetekshisi Anna Ryl feısbýk paraqshasyna jazdy. Monıkanyń sábıine Blessıng degen at qoıǵan. Bul sóz aǵylshyn tilinen aýdarǵanda "Qudaı bergen" degen maǵynany bildiredi.
♦Qasymov kongolyq áıeldiń kúıeýin izdeıdi
"Búgin biz Monıkany bizdiń ortalyqtan 6 aıǵa merzimge deıin tura alatyn "Analar úıine" shyǵaryp saldyq. Osy oraıdy paıdalanyp biz seriktesimiz "Analar úıine" alǵys aıtamyz. Monıka bizdiń ortalyqta maýsym aıynan bastap turdy. Bir ókinishtisi, qazir bizdiń qordyń múmkindikteri shekteýli. Onyń ústine qazir jyldyń basy. Sonymen birge biz halyqaralyq Qazaqstanǵa qonys aýdarý uıymyna alǵys aıtamyz. Olar bizge perzenthanaǵa aqsha tólep, sábıge kútim jasap, kerek-jaraǵyn satyp alýǵa qol ushyn sozǵan bolatyn", — dep jazdy Anna Ryl.
