Qazaqstanda buryn-sońdy bolmaǵan ota jasaldy. 9 kún buryn týǵan náresteniń júreginde aqaý bar ekeni anyqtaldy. Týa bitti paıda bolatyn gıpoplazıa aýrýyna shaldyqqan sábıge dereý ota jasaý qajet boldy dep jazady Qamshy.kz aqparat agenttigi  tengrinews.kz saıtynyń deregin negizge alyp. 

Qaırat Qýatbekov operasıaǵa deıin óz pikirin bildirgen bolatyn. 26 jyldyq tájirıbesi bar hırýrgtiń ózi aǵzany aýystyrýmen teń bolǵan otanyń qaýiptiligi tym joǵary ekenin aıtty. 

"9 kún buryn dúnıege kelgen nárestege ota jasalady. Onyń salmaǵy 3 keli. Óte qaýipti dert bolǵandyqtan balaǵa dereý hırýrgıalyq kómek kórsetý kerek boldy. Ota óte kúrdeli, tipti aǵzany almastyrýdan da qıyn bolýy múmkin", – deıdi balalar kardıohırýrgy Qaırat Qýatbekov.

"Mundaı otadan keıin naýqastyń saýyǵýyna óte kóp ýaqyt ketedi. Eki tipti odan da kóp ýaqyt jan saqtaý bóliminen jatyp, dárigerdiń qatań baqylaýynda bolady. Elimizde buǵan uqsas ota jasalmaǵan. Otanyń qıyndyǵy sábı aǵzasynyń jas ári denesiniń tym kishkentaı bolýynda. Ózderińiz oılap qarańyzdar, sábıdiń boıy nebári – 45 santımetr. Demek, qan tamyrlary men júreginiń kólemi óte kishkentaı. Arnaıy úlkeıtkish quraldar kómegimen jasalatyn otada óte jińishke jip qoldanylady. Ár mıllımetrdiń ózi biz úshin asa mańyzdy. Kishkentaı ǵana qatelik sábıdiń ómirine qaýip tóndiredi", – deıdi kardıohırýrg tilshilerge bergen suhbatynda.

Ota sátti aıaqtaldy. Qazir sábı dárigerlerdiń qatań baqylaýynda.