Búkil respýblıka boıynsha «Mektep asqanalary» partıalyq jobasy aıasynda quramyna ata-analar, «Nur Otan» partıasy aımaqtyq fılıaldarynyń ókilderi, BAQ, ÚEQ men memlekettik organdardyń ókilderi engen top oqýshylardyń tamaqtaný júıesin tekserdi.

Alǵashqy kúni partıalyqtar men ata-analar komıteti tamaqtanýdyń mekteptegi júzdegen núktelerine ınspeksıalaý jumystaryn júrgizdi, sol kezde biryńǵaı ondaǵan olqylyqtardyń bar ekeni anyqtaldy.

Eń aldymen elimizdiń mektepterinde tamaqtaný sapasyn kún saıyn baqylaýǵa jáne olqylyqtardy anyqtap otyrýǵa mindetti sarapshylyq komısıasynyń eseptik qujattamasy men belsendiligi tekserildi. Anyq bolǵanyndaı, kóptegen mektepterde olar jumys istemeıdi,  eskertýi bar birde-bir hattama nemese olqylyqtardy joıý boıynsha birde-bir akt anyqtalmady. Al shymkenttik mektepterdiń birinde komısıa tutastaı sol oqý mekemesiniń qyzmetkerlerinen turady, naqty aıtqanda,  mektep asqanasyn baqylaýǵa tek bir ata-anaǵa ǵana ruqsat berilgen.

Odan soń partıalyq vedomstvoaralyq saraptamalyq top mektep ákimshiliginiń kezekshilik kestesiniń bolýyna vızýaldy tekseris júrgizdi, oqýshylardyń tamaqtaný tártibin tekserdi, sý ishý tártibiniń saqtalýy, qol jýýǵa arnalǵan jaǵdaıdyń jasalýy, bekitilgen mázirdiń bolýy, sondaı-aq, mektep asqanasy rasıonynyń biryńǵaı standarttarǵa sáıkestigi baqylaýǵa alyndy, osyǵan baılanysty eskerpeler berildi. Montorıngileýdiń qorytyndysy boıynsha nusqaýlyqtar men esepter rásimdeldi. Mysaly, VST quramyna kiretin ata-analar mektep dırektoryna: mázirdi únemi ǵalamtorda jarıalap turý, taǵam bloktaryna kameralar ornatý, belgili jýrnalıser men blogerlerdi sarapshylyq komısıasyna qosý syndy usynystaryn alǵa tartty.

«Mektep asqanalary» partıalyq jobasynyń  merzimi sheksiz, sondyqtan monıtorıńileý áli de jalǵasyn tabady, ol jıi jáne únemi kútpegen jerden júrgiziletin aıta ketý kerek.

–Ótken jyly «Nur Otan» partıasy tamaqtaný salasyndaǵy kúrdeli problemalardy sheshý jáne ata-analar komıtetiniń, asqanany jalǵa alýshylardyń, mektep ákimdigi men bilim berý basqarmasynyń áreketterin úılestirý úshin «Mektep asqanalary» jobasyn ázirledi. Búgingi tańda mektep jasyndaǵy balalar arasynda as qorytý aǵzalarynyń aýrýy jıilep ketkendikten ol osy problemanyń sheshimine aınalýy tıis, – dedi «Nur Otan» partıasynyń hatshysy Ilá Terenchenko. 

Onyń aıtýynsha, ótken jyly partıa mektep asqanalarynda tyıym salynǵan tamaqtar tizimin keńeıtýge qol jetkizdi, olar shujyqsha, shujyq ónimderi, gambýrgerler, sondaı-aq, jasandy boıaǵyshtary, hosh ıistendirgishter, dámdi kúsheıtkishter men táttilendirgishter ekenin aıta ketken jón. 2018 jyldyń  jeltoqsan aıynda Densaýlyq saqtaý mınıstrligi osyndaı ónimderdiń jańartylǵan tizimin jarıalady.

– Alaıda bul tek alǵashqy qadam ǵana bolatyn. Ári qaraı osy normalar men talaptardyń saqtalýyn qamtamasyz etý mańyzdy. Sondyqtan bizdiń ekinshi mindetimiz – elimizdiń barlyq aımaqtarynda monıtorıńileýdiń senimdi júıesin uıymdastyrý, – dedi partıa hatshysy Ilá Terenchenko.