Myna jerde kún de, gúl de joq eken,
Sezilmeıdi alaqany anamnyń.
Kórpe emes, topyraqty jamyldym,
Áketaıym, kelshi... jaýrap baramyn...
Shattyq kúndi alyp kettik, renjime,
Áke, sizge qaldyrdyq tek laǵyl muń...
Sýyq eken jerdiń asty, anashym,
Qushaqtashy... ıisińdi saǵyndym...
Dene - jerde, jan – kók jaqqa jetti de...
Alla bizge syılady, Áke, panasyn...
Sútke toly keýdeń syzdap ketti me,
Eń sońǵy ret emeıinshi, anashym...
Áke, Ana, jylamańdar bizdi oılap,
Taǵdyr solaı, ómir solaı... ne etemiz?
Alla túbi bir kezdesý buıyrar,
Biz Sizderdi jumaq tórde kútemiz...
Maqpal Sembaı
Pikir qaldyrý