Shyndyǵyna kelgende aqylsyz basshy eldi búldiredi, aqylsyz áıel úıdi búldiredi. Al ákim aqylsyz bolsa – el tozady.

Buqara halyqtyń otbasyndaǵy áleýmettik máselesi men ósip-óný demografıasyn shynaıy janqıar múddelilikpen oılaıtyn bılik eldegi otbasylyq san alýan qaterli qasiretterdi jiti tekserip, kúndelikti qatań baqylap, aıryqsha qadalap otyrýǵa mindetti ultsyz, tárbıesiz, aqylsyz, paryqsyz, shala saýatty... mınıstr qymbatshylyq shekten tys sharyqtap turǵan shaqta «kópbalaly ata-analar úshin 16 myń teńge járdemaqy tym kóp»... dep álemge jar salyp, búkil halyqty tabanyna taptaǵandyǵy, narazy halyqty ashyndyrǵandyǵy, bul – eshqashan keshirilmeıtin aýyr qylmys. Bul – tarıhta teńdesi joq sumdyq!

Osynaý qatań jazasyzdyqtyń kesapatynan beıbit kúnde Astanada bir otbasyndaǵy Álbına, Álına, Kárına, Mádına, Sábına syndy bes sábıdiń otqa oranyp, kúlge aınalýyna baılanysty ata-anasyna asa aýyr qaıǵysyna ortaqtasa otyryp, kóńil aıta otyryp, 1992 jyly jaryq kórgen tómendegi zar men muńǵa toly «Elim qaıtip kún kórer?!» atty janaıqaıdy qaıta jarıalaýdy jón sanadyq.

 ELİM QAITYP KÚN KÓRER?!

(Asan Qaıǵynyń sarynymen)

Qaltasy taıyz qarjy joq,

Sorly qaıtyp kún kórer?!

Quty qashqan, maly joq,

Aýyl qaıtyp kún kórer?!

Arsyz, ury jaılaǵan,

Jut ákelip aınala.

Azǵyn, satqyn, jetesiz,

Qazaqtyń baǵyn baılaǵan.

Aýyl ıesiz qalýda,

Aınala úıler qańyraǵan.

Jaý shapqandaı tozýda,

Qala, dala qaljyraǵan.

Qurymaǵan sala joq,

Ury almaǵan qora joq.

İshkeniń iriń shetinen,

Burynǵydaı qazaq joq.

Shetterinen jumys joq,

Urpaq qaıtyp kún kórer?!

Jańartý joq, turmys joq,

Elim qaıtyp kún kórer?!

Keshshelik órship, esek bop,

Órkenıet alǵa basar ma?!

El jutaýda esep joq,

Aınala eldi bos aldaý.

Jańa ǵasyr jasampaz,

Bolmasa qaıtyp el eter?!

Jutty jasap qurtqa jem,

Qazaqty qaıtip kógerter?!

Qaıǵyly kúnder kete me?

Oıanbaı qazaq óte me?!

Serkesi joq el bastar,

Maqsatqa halyq jete me?!

Otbasyn otap jalmaǵan,

«Otaǵasyn» kim úlgi eter?!

Baılyǵyn sorǵan halqynyń,

Ákimdi kim túzeter?!

Jut jaılaǵan shekteý joq,

Jetpis jeti az deı me?!

Kóbeıip ólim, óshirý kóp,

Jaılaǵan eldi sor beıne.

Jaryǵy joq, sýy joq,

Aýyl qaıtip kún kórer?!

Jıǵany joq, kúıi joq,

Adam qaıtip kún kórer?!

Ana bolar – qyzy joq,

Áke bolar – uly joq,

Quryq túspeı moıynǵa

Túsinetin túri joq,

Elim qaıtip kún kórer?!

Eldi qorlap, jalmaǵan,

Ádildik qashan qyl jarar?!

Qanqaqsatqan sum zaman,

Adaldyq qashan tý bolar?!

Urpaǵym qashan jańaryp,

Oıdaǵydaı kúnelter?!

Baılyqqa barsha ıe bop,

Zarlamas qashan el beker?

Qabileti joq, anty kóp,

Aldaý ozdy, márttik joq.

Eldiń sıqyn ketirdi,

Dalbalań ákim saqtyq joq.

Aryz aıtar jeri joq,

Qulaq salar esti joq,

Týra tartar bılik joq,

Arasha túser ákim joq.

Ádil bolar kósem joq,

Ult degende tura sap,

Janyn qıar oıy joq,

Elim qaıtip kún kórer?!

Jazaǵa tartar tezi joq,

Oıy jetim, kózi joq,

Jónge túser túri joq,

Uryny joıar atý joq,

El tonalyp, jan azapta

Elim qaıtip kún kórer?!

Ózge qańsyq tańsyq bop,

Elim qaıtip kún kórer?!

Básekeden oza almas

Elim qaıtip kórkeıer?!

Arqa súıer piri joq,

Otyz mıllıon qyran bop,

Ǵaryshqa samǵar kúıi joq,

Elim qaıtip kún kórer?!

Elin qorǵar dara joq,

Jerin saqtar dana joq,

Bolashaqta kim keler?

Elim qaıtip kún kórer?!

Moldaǵalı Matqan

 Eskertý: Avtordyń pikiri Qamshy.kz aqparat agenttiginiń pozısıasyna sáıkes kelmeýi múmkin