Ǵalymdardyń zertteı kele jasaǵan tujyrymyna qaraǵanda, Nuh paıǵambardyń Allanyń pármenimen qurastyrǵan kemeniń uzyndyǵy shamamen 135 metrdi, al eni 23 metrdi quraǵan. Al bıiktigi 15 metrden aspaǵan. Qazirgi zamanda mundaı keme qalypty sanalǵanymen sol kezde bul eń alyp keme bolatyn. Máselen, salystyrmaly túrde alsaq, osydan 4000 jyl buryn keme qurastyrýdan aldyna jan salmaǵan fınıkılikter (búkil elmdik tasqynnan keıin) saýda júgin tıeıtin kemege ıe bolǵan. Olardyń eń úlkeniniń uzyndyǵy bar-joǵy 30 metrden aspaǵan edi.
Álbette, mundaı alyp kemeni qurastyrýǵa Nuh paıǵambar 120 jylyn sarp ketken. 500 jasynda keme qurylysyn bastaǵanda oǵan úsh uly kómek kórsetken. Tipti, 500 jyl buryn da mundaı alyp keme jasalmaǵan edi. Máselen, Amerıkany ashqan dep batystyq tarıhshylar aıtyp júrgen Hrıstofor Kolýmbtyń kemesiniń uzyndyǵy 25 metrden aspaǵan edi. Sol kememen-aq Atlant muhıtyn kesip ótti. Muny argýment úshin aıtyp otyrmyz.
Iaǵnı, Nuh paıǵambardyń kemesiniń kólemi bir fýtbol alańynynan sál-aq asar edi.
Eger osy zamanǵy záýlim úılermen salystyrsaq, Nuh kemesiniń bıiktigi 9 qabatty turǵyn úıdeı bolar edi.
Máselen, orys olıgarhy Abramovıchtyń uzyndyǵy 162 metrge jetetin Eklıps ıahtasymen salystyrsaq...
Nemese bıiktigin Parıjdegi álemge áıgili Eıfel munarasymen salystyrsaq...
Arnaıy fılm túsirilgen, aısberge soǵylyp apatqa ushyraǵan Tıtanık kemesimen salystyryp kórsek...
Ia bolmasa osy zamanǵy álemdegi eń alyp amerıkalyq Enterpraız avıanosesimen (uzyndyǵy - 342 metr) salystyrsaq...
Tipti, Nuh kemesin avıanostyń trúmasynda tasymaldaýǵa bolady.
Suıytylǵan gazdy óndiretin káristerdiń qalqymaly zaýyttyń uzyndyǵy 488 metr. Tómendegi kartınkada ol eń tómen jaıǵasqan...
Derekkóz: islam.kz
Usynǵan: Gúlim Jaqan
Pikir qaldyrý