Óz ýaqytynda óziniń ǵajaıyp oqıǵasymen tanylyp, muqym dúnıege aty máshhúr bolǵan  amerıkalyq Derek Amatonyń basynan keshkenderin Qamshy.kz aqparat agenttigi oqyrman nazaryna usynady.

Mýzykadan múldem alys Derek osydan 13 jyl buryn danyshpan bolyp oıandy. Tańqalarlyǵy, bul jaıt Derek basynan qatty soqqy alǵannan keıin bolǵan.

Osylaısha, basy zaqymdanǵan ol bir túnde danyshpanǵa aınaldy, onyń ústine, qarjysyz jáne úısiz júrgen Derek shyndap mýzykamen aınalysyp, aqsha tapty.

Ol óziniń barlyq bıznes ınvestısıalarynan aıyrylyp, avtokólikte uıyqtap, jumys izdep qınalyp júrgen kezinde, 2006 jyldyń 27 qazanynda baseınge batyp, basynan qatty soqqy alǵan. Esin jıǵan kezde ol mıynyń mýzykaǵa toly bolǵanyn aıtady. Kóz aldyna aq-qara jolaqtar elestep, oıyna birden  fortepıano túsken.

Nátıjesinde, onyń oıy shyndyqqa aınaldy. Buryn gıtaradaǵy keıbir qarapaıym akordtarda ǵana oınaǵan Derek Amato eshqashan mýzykalyq bilim almaǵan, alaıda kenetten fortepıanoda oınaı bastaıdy. 

Ol «Savanta» dep atalatyn eń sırek kezdesetin sındromǵa shaldyqqan. Bul sındrom keıbir adamda týǵan kezinen bolady. Alaıda Derek sekildi kenetten osy sındromǵa shaldyqqan adamdardyń sany búkil dúnıe júzinde 30-dan aspaıdy.

Basynan alǵan soqqydan keıin ol estý qabiletiniń 35 paıyzyn joǵaltqan. Alaıda Derek esh ókinbeıdi, kerisinshe, ol óziniń keremet qabiletine ıe bolǵanyna qýanady.

Derektiń aıtýynsha, ol soqqy alǵanǵa deıin birneshe aı boıy avtomobılde ómir súrgen, qarjylyq máseleler ony tyǵyryqqa tiregen. Endi barlyǵy ózgerdi, qazir ol kásibı mýzykant.

Ol "óziniń kenetten paıda bolǵan qabileti solaı tez joıylyp kete me?!",- dep qaýiptenedi. Alaıda dárigerler "qabilettiń joǵalyp ketýine esh qaýip joq" dep otyr.

 Qazir Derek Amato - 53 jasta. Ol Kolorado shtatyndaǵy Denverdende turady. Kásibı túrde mýzykamen aınalysady.