Túrikmen áıelderine qıyn bolatyn túri bar. 17 aqpannan beri túrikmen polısıasy Ashhabad kóshesinde kólik júrgizip kele jatqan áıelderdi toqtatyp, eshqandaı sebepsiz olardyń kýáligin tartyp alyp jytyr. 17 aqpannan kúni Ashhababad kóshelerinde osyndaı jıyrmadan oqıǵa oryn alǵan.

Bolǵan jaıǵa qatysty túsinik berýdi talap etkenderge polısıa ókilderi jaýap berýden qashady. Tek «bul joǵary jaqtyń buıryǵy» deýmen ishten tynatyn sıaqty. Tipti polısıa ókilderi bet-júzin beınekameraǵa kórsetýden qorqady. Soǵan qaraǵanda, shyn máninde joǵary jaqtan túsken jasyryn buıryq bolýy yqtımal. Biraq nege áıelderdiń kólik júrgizý kýáligi tartyp alynyp jatyr, ol jaǵy tipti túsiniksiz. Soǵan qaraǵanda, «túrikmen áıeli bala taýyp, ot basy, oshaq qasynda otyrýy kerek» degen baıyrǵy túsinik qaıtadan  ornyǵyp jatqan bolar.

Árıne, munyń barlyǵy da zańsyzdyq ekeni túsinikti. Tipti kólik júrgizý kýáligin alyp qana qoımaı, olardyń mashınasyn  aıypturaq alańyna qoıǵanynyń ózi qyzyq. Al mashınasyn aıypturaqqa qoıýǵa bas tartqan áıelderdiń kóligin evakýatormen áketip jatyr. Demek, qalaı aıtqanda da joǵary jaqtan bir buıryqtyń bolǵany ras. Biraq muny eshkim de túsindirip bere almaıdy.

Bul ǵana emes, el astanasy Ashhabadta sonymen qatar, «Moskvıch» jáne  «Jıgýlı» eski kólikterimen júrýge  de tyıym salynǵan. Óıtkeni olar qalanyń sánin buzady. 2018 jyldyń 2 qańtarynan bastap, Túrikmenstan prezıdenti Gýrbangýly Berdimuhamedovtyń buıryǵymen  qara tústi kólikpen qala úshinde júrýge múlde bolmaıdy. Ondaı kólik Ashhabadtyń ajaryn ashpaıdy.

...Erikkenderdiń tirligi ǵoı. Basshyń nadan  bolsa, halqyń qaıtip  adam bolady?!