12 naýryzda Nú-Iorkte "Global Finance" jýrnaly jyl saıynǵy dástúr boıynsha 26-shy ret álemniń úzdik bankterin marapattady dep habarlaıdy Qamshy.kz aqparat agenttigi.

"Global Finance" jýrnalynyń ujymy qarqyndy ósý, ınovasıalyq tehnologıalardy ázirleý jáne engizý, sondaı-aq strategıalyq jobalardy iske asyrý krıterıılerin negizge ala otyryp, jyl saıyn 150-den astam eldegi úzdik qarjy ınstıtýttaryna zertteý júrgizedi jáne tańdaıdy. Bıyl da ońtaıly jáne yńǵaıly servısterimen jáne keremet bıznes nátıjelerimen birqatar bankter laýreat dep tanyldy. Halyqaralyq basylymnyń oń kózqarasyna ıe bolǵan qarjy uıymdarynyń arasynda qazaqstandyq Forte banki bar.

Saltanatty rásimde banktiń basqarma tóraǵasy Gýram Andronıkashvılı bylaı dedi:

"Biz úshin Global Finance jýrnalynyń marapatyn alý – úlken qurmet. Bul marapatty eki jyl qatarynan ıelenýimiz bizdiń tutynýshylarymyzǵa tıimdi qyzmetimizdi jáne strategıamyzdyń durys tańdalǵanyn rastaıdy. Bank óziniń klıentterine úzdik ınovasıalyq ónimderin usyna otyryp, kapıtalynyń jetkiliktiligi men ótimdiligi boıynsha naryqta kóshbasshylyq pozısıasyn saqtap qalady. Biz 2018 jyly barlyq qarjylyq jáne operasıalyq kórsetkishter negizinde aıtarlyqtaı ósimge qol jetkizip, aktıvter mólsheri boıynsha Qazaqstannyń ekinshi deńgeıli bankteriniń top-3 quramyna kirdik. Al bul jetistigimiz halyqaralyq sarapshylar tarapynan baǵalanǵanyna qýanyshtymyz".

Aıta keteıik, "Global Finance" taldaýshylarynyń pikirinshe, ForteBank jeńisin anyqtaǵan negizgi faktorlar naryqtyq pozısıalarynyń kúsheıýi, geografıalyq qamtýy jáne klıentter úshin úzdik ınovasıalyq qyzmet kórsetýi bolyp tabylady.

Usynǵan: Gúlim Jaqan