Memleket basshysy Tájikstan Respýblıkasynyń Prezıdenti Emomalı Rahmonmen jáne Armenıa Prezıdenti Armen Sarkısánmen telefon arqyly sóılesti, dep habarlaıdy Qamshy.kz aqparat agenttigi Aqorda baspasóz qyzmetine silteme jasap. 

Áńgimelesý barysynda Tájikstan Prezıdenti Emomalı Rahmon men Armenıa Prezıdenti Armen Sarkısán Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, joǵary memlekettik qyzmetine tabys tiledi.

Qasym-Jomart Toqaev quttyqtaǵany úshin eki el basshylaryna rızashylyq aıtyp, Qazaqstan men Tájikstannyń, Armenıanyń ózara yqpaldastyǵy odan ári qarqyndy damı túsetinine senim bildirip, ózara tıimdi yntymaqtastyqty damytýdaǵy saıası baǵyty ózgermeıtinin aıtty.

Taraptar Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Qazaqstan men Armenıanyń jáne Tájistannyń arasyndaǵy qarym-qatynastardy qalyptastyrýdaǵy aıryqsha rólin atap ótti.

Sondaı-aq, eki el kóshbasshylary bir-birin Naýryz meıramymen quttyqtady.

Telefon arqyly sóılesýge Tájikstan men Armenıa jaǵy bastamashy boldy.

Usynǵan: Maqpal Sembaı