Dýbaıda "álemdegi eń úzdik ustaz" nomınasıasyn jeńip alǵan Kenıalyq ustaz monah-fransısk Pıter Tabıchıge 1 mıllıon dollar tabystaldy dep habarlaıdy Qamshy.kz aqparat agenttigi ♦Dubai Media Office saıtyna silteme jasap.

Dýbaıdyń taq murageri, BAÁ vıse-prezıdenti jáne premer-mınıstri sheıh Hamdan ben Mohammed ben Rashıd Al Maktým "Álemniń eń úzdik ustazy" ataǵyn jeńip alǵan Kenıalyq matematıka jáne fızıka páni muǵalimi  Pıter Tabıchıdi marapattady. 

Atlantıdada, Pálmada ótken saltanatty keshte Tabıchı  1 mıllıon dollar kóleminde syıaqyǵa ıe boldy. 

"Álemdegi eń úzdik ustaz" (Global Teacher Prize gala) marapaty - bul BAÁ jylda ótkiziletin is-shara.  Bul marapat, ıaǵnı 1 mıllıon dollar jolynda kezdesken qıyndyqtarǵa qaramastan, aıanbaı ter tógip, óz salasynda atqarǵan eren eńbegi úshin eń úzdik dep tanylǵan ustazǵa tabystalady.

Atalmysh syıaqynyń byltyrǵy ıegeri Ulybrıtanıanyń óner jáne eńbek pániniń muǵalimi Andrıeı  Zafırakoýǵa tabystalǵan bolatyn. Ol Ulybrıtanıanyń kedeı otbasy stýdentterine qolynan kelgenshe aıanbaı kómek kórsetken eńbegi úshin osyndaı marapatqa ıe bolǵan.

Bıylǵy baıqaýǵa álemniń 179 elinen 10 000 úmitkerden ótinish kelip túsken. Úmitkerler qatarynda Úndistan, Avstralıa,AQSH, Nıderlandy, Kenıa, Brazılıa, Japonıa, Argentına, Ulybrıtanıa, Grýzıa  ustazdary bolǵan. 

Aıta ketske, Úndistandyq kásipker Sannı Varkeıanyń qaıyrymdylyq qory 2015 jyldan bastap "álemdegi eń  úzdik ustaz" premıasyn berip keledi.

Bıylǵy júldeger 36 jastaǵy Pıter Tabıchı Kenıada aýyldardyń birindegi orta mektepte jaratylystaný ǵylymdarynyń muǵalimi.

Uıymdastyrýshylardyń aıtýynsha, mektepte tek bir kompúter bar eken, al bir muǵalimge 58 oqýshydan keledi. Sonymen qatar, Tabıchı óz jalaqysynyń kóp bóligin kedeılerge berip, kómek kórsetýmen aınalysqan eken.

Usynǵan: Maqpal Sembaı