Qazaqstandyq boksshy Meıirim Nursultanov 11-shi kezdesýinde de jeńiske jetti

/uploads/thumbnail/20190325184637377_small.jpg

Qazaqstandyq boksshy Meıirim Nursultanov kásipqoı sharshy alańda 11-shi kezdesýinde jeńiske jetti  dep habarlaıdy Qamshy.kz aqparat agenttigi ♦Vesti.kz saıtyna silteme jasap.

Qazaqstandyq 25 jastaǵy boksshynyń qarsylasy Pýerto-Rıko eliniń ókili 32 jastaǵy Lýıs Ernandes boldy. Orta salmaqta ótken segizraýndtyq kezdesý AQSH-tyń Kalıfornıa shtatyndaǵy Golıvýdta Hollywood Fight Nights shoýy aıasynda uıymdastyryldy.

Kezdesýde tóreshilerdiń biraýyzdan shyǵarǵan sheshimimen Nursultanov 79-72 esebimen jeńiske jetti. 

Osylaısha, Nursultanov sporttyq mansabynda 11 kezdesý ótkizip, barlyǵynda da jeńiske jetip, onyń segizin merziminen buryn aıaqtady.

Ernandes bolsa, segizinshi ret jeńilip otyr eken. Buryndary ol 16 qarsylasyn tize búktirgen. 

Hollywood Fight Nights shoýyn GGG isin júrgizýshi Tom Lefflerge tıesili 360 Boxing promoýterlik kompanıasy uıymdastyrdy. Boks keshi aıasynda basqa qazaqstandyq boksshy Álı Ahmedov óner kórsetti. Bizdiń otandasymyz ekinshi orta salmaqta birinshi ret shyqty.

Buryn ol jartylaı aýyr dıvızıonda óner kórsetip keldi.  23 jastaǵy Ahmedovtyń segiz raýndtyq jekpe-jekte amerıkalyq 37 jastaǵy Maık Gaımen (9-3-1, 5 KO) judyryqtasty. Kezdesý segiz raýntan turdy, Qazaqstandyq boksshy jeńispen aıaqtady. 

Usynǵan: Maqpal Sembaı

Pikir qaldyrý

Qatysty Maqalalar