"Qudaı-aı, zaman ne bolyp bara jatyr, kún saıyn bir sumdyqty estıtin boldyq, bizdiń kezimizde bulaı bolmaıtyn, aqyrzaman belgisi me?" dep ár postynyń astyna zarlaýyq komment jaza beretin pikirshiler ! Sizderge aıtarym, zaman bári ornynda. Tek ol sizdiń aıta beretin baıaǵy zaman da múltiksiz emes edi. Ol zamanda da sumdyqtyń neshe túri qazirgideı bolǵan. Máselen, asharshylyq jut zamanynda ınternet bolsa, nebir sumdyqty kórgen adam tipti, esinen aýyp keter edi ǵoı. Ol zamanda adam
jegish manáktar selfıletip júrse, halyqtyń kúızeliske túskeni túsken. Tek onyń vıdeosyn túsirip alyp, ınternetke sala beretin múmkindik qana bolmaıtyn ol zamanda. Aıyrmasy sol. Sony túsinińiz.
Sizdiń zamannan aıyrmashylyǵy tek, ol kezde áleýmjeli, ınternet deıtin bolmaıtyn. Sebebi de sol, áleýmjeli, ǵalamtor búginde qoǵamnyń negatıvin tógetin qoqys jáshigine aınalyp ketken. Ekinshi nusqada, áleýmjeli qoǵamdaǵy ıgilik, jáýharlar saqtalatyn syrly, qazynaly sandyq. Sizdiń qalaýyńyz qaısy? Qoqys jáshigine úńilesiz be, álde, qazynaly sandyqqa qaraısyz ba? Ne tutynsań sol bolasyń. Ne zor ne qor bolasyń. Bar másele sonda. Tańdańyz.
Qanat Áýesbaıuly, Facebook paraqshasynan
