«FlyArystan» búdjettik áýe kompanıasy keıbir baǵyttarǵa bılet qunyn jarıa etti, dep habarlaıdy Qamshy.kz aqparat agenttigi atalǵan kompanıanyń ♦Instagram paraqshasyndaǵy aqparatqa súıene otyryp.
Aqparatqa sensek, ushý uzaqtyǵy 1 saǵatty quraıtyn Taraz ben Almaty arasyndaǵy reıske bıletti nebári 5 myń teńgege satyp alýǵa bolady. «Jaqyndaryńyzǵa endi ár apta saıyn ushýǵa bolady. Bir jaqty bılet quny nebári 4 999 teńgeden bastalady», - delingen taratylǵan aqparatta.
Sonymen qatar, Oral men Almaty baǵytyndaǵy reıske bılet quny nebári 12 999 teńgeden bastalatyndyǵyn habarlandy. Dál qazir bıletterdi flyarystan.com saıtynda arzanyraq satyp alýǵa bolady. Buǵan deıin Mamyr aıynnan bastap jolaýshylarǵa qyzmet kórsete bastaıtyn Qazaqstannyń alǵashqy loýkosteri «Fly Arystan» kompanıasy bılet baǵasynyń tómen bolýyna birneshe faktor sebep ekendigin málim etken bolatyn.
«Únemdilik birneshe faktorǵa baılanysty. Loýkosterler janarmaıdy únemdi túrde jumsaıtyn jańa ushaqtardy paıdalanýdy artyq kóredi. Bıznes klasstyń bolmaýy otyratyn oryndyqtardyń sanyn arttyrady. Ushaqtyń bir túrin paıdalanýy, álemdik qaýipsizdik standarttaryna saı bolý úshin tehnıkalyq qyzmet kórsetýi jáne ekıpaj oqýy bir baǵdarlama boıynsha ótedi. Bıletterdi neǵurlym erte satyp alsańyz baǵasy soǵurlym arzanǵa túsetin bolady», - dep atap ótedi kompanıa ókilderi. Fly Arystan kompanıasy ushaqtarynda jolaýshylar ózderimen 5 kelige deıin ǵana júkti tegin alyp júre alady. Eger qol júgińizdiń salmaǵy 10 kelige jete qabyl bolsa onda ushý uzaqtyǵyna baılanysty 2500-3000 teńge tóleýińizge týra keledi. Al qol júgińizden bólek zatyńyzdyń salmaǵy 15 keli bolsa 3 500 teńge, 20 kelige 4 000 teńge, 60 kelige 12 myń teńge tóleısiz. Ushý ýaqytyńyz 2,5 saǵattan asyp ketse, onda atalǵan salmaqtaǵy júgińizge tóleıtin 1 myń teńgege qymbatqa túsedi.
Ushaqpen úı janýalarlaryn alyp júrýińizge de bolady. Janýardy bortqa alyp kirseńiz ushý ýaqytyna baılanysty 6 000-8 000 teńge, júk bólimimen alyp júrseńiz 20 000-26 000 myń teńge shyǵyndaısyz. Sporttyq kerek-jaraq alyp júrý úshin de 5-7 myń teńge mólsherinde aqsha tóleısiz. Ushaqta oryn tańdaý da aqyly. Ózińiz qalaǵan orynǵa otyrý úshin 1 500-7 000 myń teńge aralyǵynda qarajat jumsaýyńyzǵa týra keledi.
Usynǵan: Maqpal Sembaı
