AQSH-tyń zeınetker serjanty Rıchard "Mak" Makkını Indıana shtatyndaǵy Mansı ıslam ortalyǵynyń prezıdenti bolyp qyzmet atqarady. Qazirgi tańda ol ıslam dinin nasıhattaýǵa bar kúshin salyp júr dep jazady Qamshy.kz aqparat agenttigi azan.ru saıtynyń deregin negizge alyp.  

Alaıda osydan 8 jyl buryn jaǵdaı múldem basqasha boldy. Sol jyldary Makkını ıslam dinin jek kórgeni sonshalyq, meshitti jaryp  jibergisi kelgen. 

"Kóptegen adamdarǵa 8 jyl burynǵy oqıǵany aıtsam senbeıdi. Sol jyldary ıslam dinine degen jekkórinish sezimi kúnnen kúnge ulǵaıa tústi. Alaıda jekkórinish sezimi arqyly men ıslam dinine keldim. Sebebi sol arqyly meniń ıslamǵa degen qyzyǵýshylyǵym artty", - deıdi 49 jastaǵy Makkanı. 

Kóptegen jyldar boıy Makkanı Taıaý Shyǵystaǵy qyzmet etti. Alaıda arnaıy operasıalarǵa qatyspady. 

"Sol kezderi men eshkimge aıtqym kelmeıtin nárselerdi kórdim. Oǵan deıin mende ıslamǵa degen jekkórinish sezimi bolmaǵan edi. Biraq kóptegen jaıttarǵa kýá bolǵan soń men ıslamnyń has jaýyna aınaldym. Taıaý Shyǵystaǵy kórgen oqıǵalar osyǵan sebep boldy", - deıdi zeınetker serjant. 

Araǵa biraz ýaqyt salyp ol óz eline oralady. Sol kezde Makkanı meshitti jarýǵa jospar qurady. Tipti,  terakti jasaǵany úshin túrmege otyrýy múmkin ekenin de bilgen. Alaıda bul ony toqtata almady. Tipti ólim jazasy da bul josparyna kedergi bolmaǵan. Makkanıdiń bul jospary týraly onyń áıeli bilip qoıyp, kúıeýi úshin qatty qorqady. Keıinnen FBR bilip qoıady. Makkanıdi tergeýge alǵanymen, naqty dáleldi taba almaǵandyqtan, ony bosatqan. 

Keıin ol kókeıinde júrgen birneshe suraqtardyń jaýabyn alý úshin meshitke barady. Meshittegi musylmandar ony jaqsy qarsy alyp, jyly qabyldaıdy. Alǵashqy ýaqytta Makkanı qatty qobaljıdy. Bir top musylmandarmen bir bólmede otyrý ol úshin qıynǵa soqqan. Biraq Makkanıge musylmandarmen áńgimelesý qatty unaı bastaıdy. Tipti meshitte saǵattap otyrýdy ádetke aınaldyrypty. Araǵa kóp ýaqyt salmaı musylmandyqty qabyldaýǵa sheshim qabyldaıdy. 

Birneshe ýaqyttan keıin Makkanı jergilikti Musylman stýdentter asosıasıasynyń prezıdenti bolyp taǵaıyndaldy. Al 2014 jyly ony Islam ortalyǵynyń prezıdenti boldy. 

Al qazir Rıchard Makkını Ýmar Saıd esimimen tanymal. Onyń Islam ortalyǵyndaǵy prezıdenttik ókilettiligi bıyl aıaqtalǵanymen, ıslamǵa qyzmet etýdi jalǵastyrady. Al onyń tańǵajaıyp oqıǵasy musylmandarǵa da, basqa musylman emes adamdarǵa da shabyt syılaıtyny anyq. 

Aýdarǵan: Ásel Bolatqyzy