Qazaqstanda kezekten tys prezıdenttik saılaý 2019 jyldyń 9 maýsymynda ótetin bolady. Bul týraly Qasym-Jomart Toqaev halyqqa úndeýi barysynda aıtty dep habarlaıdy Qamshy.kz aqparat agenttigi.
Mundaı sheshimge prezıdent Elbasy Nursultan Nazarbaevpen, parlament spıkerlerimen ári Úkimet basshysymen aqyldasa otyryp kelgen.
"Prezıdentti halyq tańdaıtyn bolady. Men basshy retinde saılaýdyń ádil ári taza ótýine kepildik beremin", - dedi Qasym-Jomart Toqaev prezıdent retindegi alǵashqy úndeýinde.
Aıta keteıik, Qazaqstanda 30 jylǵa jýyq bılik qurǵan Nazarbaev 19 naýryzda kenetten prezıdent qyzmetinen ketetinin málimdedi. Ol málimdemesinde saılaý ótkenshe Qasym-Jomart Toqaev prezıdent bolatynyn aıtqan.
Toqaev 20 naýryzda ant berip, qyzmetine kiristi. Al Toqaevtyń ornyna Nursultan Nazarbaevtyń úlken qyzy Darıǵa Nazarbaeva senat spıkeri bolyp taǵaıyndalǵan.
Usynǵan: Gúlim Jaqan
